PHUNGTHLÛKBIA 19:2 - Lai (Hakha) Common Language Bible 2006

² Hngalhnak um ṭung lo duhnak lawng hi a ṭha lo, Namhnaw in a kalmi nih a lam kha a thlau tawn.

Laibaibal Thiang (BSI)

² Hngalhnâk um lo nunnâk zong hi a ṭha lo, kephau a rangmi cu a palh tawn.

PHUNGTHLÛKBIA 19:2 Խաչաձեւ Հղումներ

PHUNGTHLÛKBIA 21:5

Teimaknak le a hlankan in ṭha tein thil rak ruahchungnak nih duhdimnak kha a chuahter i cu bantuk ṭhiamṭhiam in namchan in thil a timi paoh cu sifahnak an tong hrimhrim ve ko lai.

FILIPI 1:9

Nan ca i thla ka cam tawnmi cu, nan dawtnak ngeihmi cu hngalhnak ahmaanmi le a chia a ṭha thleidan khawhnak fimnak he ṭhang seh law,

PHUNGTHLÛKBIA 29:20

Ruah hmasa loin bia a chim zauzaumi nakcun, mihrut caah ruahchannak a um deuh.

ROM 10:2

Pathian a ṭanh ngaingaimi an si cu tehte ka khan khawh, sihmanhsehlaw cu an ṭanhning cu palh ṭanh a rak si.

JOHAN 16:3

Ka Pa zong, keimah zong an kan hngalh lo caah hi bantukin nan cungah an tuah lai.

HOSEA 4:6

Ka mi hna nih keimah cu an ka hngalh duh lo caah an rawk. Nannih tlangbawi hna nih keimah hngalh kha nan duh ve lo i ka cawnpiaknak kha nan hlawt, Cucaah nanmah le nan fapale hna cu ka tlangbawi sinak khan kan hlawt hna.

ISAIAH 28:16

Sihmanhsehlaw Bawipa Pathian nih a chimmi cu hihi a si: “Zion ah hin a fek i a ṭhawngmi inn hram ka ser lai. Cu hram ah cun innkil lung, lungcang pakhat ka bunh lai i cu lung cungah cun, ‘Zumhnak fek cu a lung zong a sau,’ tiah ṭial a si lai.

PHUNGTHLÛKBIA 28:20

Zumh awk tlakmi cu thluachuahnak tampi a hmu lai, sihmanhsehlaw khulrang in rum aa zuammi cu dantatnak hmu loin a um lai lo.

PHUNGCHIMTU 12:9

Phungchimtu cu a fim caah a hngalhmi kha mi cu a cawnpiak lengmang ko hna. Phungthluk bia kha a cawn hna i biatak an si maw si lo ti kha fel tein a hneksak hna.

PHUNGCHIMTU 7:9

Na thin i sum khawh kha i zuam, lungchung in mi uam peng hi hruh a si.

PHUNGTHLÛKBIA 28:22

Mikhiar nih cun khulrang in rum aa hnawh, sihmanhsehlaw herhbaunak nih a ka tlunh lai ti kha a hngal lo.

PHUNGTHLÛKBIA 25:8

Na mit nih a hmuhmi kha khulrang in zung ah chuahpi hlah, Zeicahtiah tehte dang nih na palhnak kha a hnuah a langhter khawh ahcun zeitindah na um lai?

PHUNGTHLÛKBIA 14:29

Dai tein a um khomi cu mifim a si, sihmanhsehlaw mithintawi nih cun zeitluk in dah a hruh ti lawng kha a langhter.

PHUNGTHLÛKBIA 1:16

Zeicahtiah an ke cu ṭhat lonak leiah a tlik in an tli i Thisen chuah awkah a nam in an i nam.

PHUNGTHLÛKBIA 10:21

Miṭha bia nih cun mi tampi a cawm hna, sihmanhsehlaw mihrut cu a hruh ruangah a thi tawn.

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

JOB 31:5

“Lih in rian ṭuannak ah kaa tel lo i hlennak lam kha ka zul lo,” tiah chiat ka ser.

2 SIANGPAHRANG 4:39

Annih lak i pakhat cu ramlak ah tihang kawl ah a kal i ramlak i a khomi zun pakhat hi a va hmuh i cu zun cun a puan khat in um tlai cu a lawh i a ra i a can hna i tihang um chungah cun, zei an si ti hngalh loin, a paih hna.