PHUNGTHLÛKBIA 18:22 - Lai (Hakha) Common Language Bible 2006

²² Nupi aa hmuhmi cu thil ṭha aa hmuhmi a si, Bawipa cu na cungah a ṭha ti kha a langhter.

Laibaibal Thiang (BSI)

²² Nupi a hmutu cu thilṭha hmutu a si, BAWIPA duhpiaknâk cotu a si.

PHUNGTHLÛKBIA 18:22 Խաչաձեւ Հղումներ

PHUNGTHLÛKBIA 19:14

Inn le chawva cu pale sinin hmuhmi ro an si, Sihmanhsehlaw nupi fim cu Bawipa sinin hmuhmi laksawng a si.

PHUNGTHLÛKBIA 12:4

Nupi ṭha cu a va caah bawi luchin a si, sihmanhsehlaw ningzahnak a tluntertu nupi cu ruh chung i khensar zawtnak bantuk a si.

PHUNGCHIMTU 9:9

Hi vawlei cungah Pathian nih nunnak an pekmi nunnak santlailo chung i na nun chung vialte hi na dawtmi nu he nuamhnak in hmang ko, pakpalawng a simi ni hna cu an dihlak in nuamhnak ah hmang ko hna, zeicahtiah cu vial cu pei harnak na inmi chungin na hmuhmi cu a si ko lai cu.

1 KORIN 7:2

Sihmanhsehlaw sualpalhnak a tam tuk hringhran caah hin, pa nih mah nupite i ngeih seh law nu nih mah vate i ngeih seh.

GENESIS 2:18

Cun Bawipa Pathian nih cun, “Mipa amah lawng i a um hi a ṭha lo, hawile bawmtu ka serpiak lai,” a ti.

HOSEA 12:12

Kan pu Jakob cu Aram ram ah khan a rak zam i Khika ah nupi ṭhitnak caah mi tuu kha a rak khal.

PHUNGTHLÛKBIA 8:35

Zeicahtiah keimah a ka hmutu nih cun nunnak kha a hmuh i Bawipa sinin duhdawtnak kha a hmuh;

PHUNGTHLÛKBIA 3:4

Cuticun Pathian le minung mithmuh ah Mithmai ṭha le thangṭhatnak na hmuh lai.

GENESIS 24:67

Cun Isak nih cun Rebekah cu a thlam ah aa luhpi i a nupi ah a cang. Isak nih cun Rebekah cu a dawt ngaingai i cucaah a nu thih hnuah Rebekah nih khan Isak cu a hna a ngamter ṭhan.

GENESIS 29:28

Jakob cu a hna a tla i ṭhitumnak zarh cu a dih tikah, Laban nih a fanu Rachel cu nupi ah a pek.

RUTH 4:10

Mithipa min cu a unau hna sin le a chuahnak hmun hauka in a loh nakhnga lo, mithipa min cu a ro chung i hmunhter awkah, Mahlon nih a rohmi Moab minu Ruth zong kha ka nupi si awkah ka cawk cang; cucu nannih hi nihin ah hin a hngaltu nan si,” tiah a ti.