PHUNGTHLÛKBIA 18:15 - Lai (Hakha) Common Language Bible 2006

¹⁵ Ruahnak a fimmi nih cun hngalhnak kha an i lak chin lengmang i mifim mi nih an hna in hngalhnak kha an kawl.

Laibaibal Thiang (BSI)

¹⁵ Khuaruat ngaimi nih hngalhnâk a co chih tawn, cun mifim hna nih hngalhnâk an kawl chap tawn.

PHUNGTHLÛKBIA 18:15 Խաչաձեւ Հղումներ

JEIM 1:5

Sihmanhsehlaw fimnak a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna.

PHUNGTHLÛKBIA 15:14

Mifim nih cun hngalh chin lengmang kha an duh, sihmanhsehlaw mihrut cu an hruhnak ah khan an i za ko.

LUKA 10:39

Nau pakhat a ngei i a min cu Mary a si. Mary cu Bawipa ke hram ah cun a ṭhu i a cawnpiaknak kha a ngai.

PHUNGTHLÛKBIA 23:23

Biatak kha vaa cawk law zuar ti hlah, fimnak, cawnpiaknak le hngalhthiamnak kha i cawk hna.

PHUNGTHLÛKBIA 9:9

Mifim cu cawnpiak law a fim chin lai, miding cu cawnpiak law a thiamnak aa chap lai.

PHUNGTHLÛKBIA 4:7

Fimnak cu hlaw hlah, amah nih cun him tein an zohkhenh lai; amah cu daw law an huhphenh lai;

PHUNGTHLÛKBIA 1:5

Cun mifim zong nih an ngaih ahcun an fimnak a ṭhang lai i Hngalhthiamnak a ngeimi nih thiamnak an hmuh chin lai i

1 SIANGPAHRANG 3:9

Cucaah na mi hi uk khawhnak caah a ṭha le a chia kha ka thleidan khawh nakhnga, na salpa hi hngalhthiamnak lungthin ka pe tuah; zeicahtiah, aho nih dah hi na miphun ngan hi a uk khawh hna lai?” tiah a ti.

PHUNGTHLÛKBIA 10:14

Mifim nih cun hngalhnak kha an i khon, sihmanhsehlaw mihrut nih bia an chim hluahmah tikah khan rawknak kha a nai.

PHUNGTHLÛKBIA 4:5

Ka chimmi bia hi philh hna hlah law i theihter duh loin um hna hlah.

EFESA 1:17

Kan Bawipa Jesuh Khrih i a Pathian, a liannganmi kan Pa cu, nanmah kha Thlarau pek awkah ka hal lengmang, thlarau nih cun an fimter hna lai i Pathian kha nan sinah a phuan lai i Pathian cu nan hngalh lai.

PHUNGTHLÛKBIA 15:31

Chimhhrinnak a ṭhami kha ṭha tein a ruatmi cu mifim hna bu chungah khan aa tel ve lai.

JOB 8:10

Annih nih nangmah cu an in cawnpiak in an in chim in, an hngalhnak cu an in chim hnga lo maw?