PHUNGTHLÛKBIA 18:12 - Lai (Hakha) Common Language Bible 2006

¹² Harnak phak hlanah cun mi cu an lung a puam tawn, sihmanhsehlaw upatnak phaknak lam cu toidornak a si.

Laibaibal Thiang (BSI)

¹² Chiatnâk ton hlanah minung lungput cu a sang tawn i upatnâk a ton hlanah â toidor tawn.

PHUNGTHLÛKBIA 18:12 Խաչաձեւ Հղումներ

PHUNGTHLÛKBIA 15:33

Bawipa ṭih hi fimnak ding caah cawnpiaknak a si, upatnak phaknak lam cu toidornak a si.

1 PETER 5:5

Cu bantuk ṭhiamṭhiam in, nannih a no deuh pawl zong nih upa deuh pawl kha an nawl nan zulh hna lai. Nan dihlak in toidornak puan kha i aih u law pakhat le pakhat i bawm u, zeicahtiah Cathiang nih “Pathian nih milungpuam cu a doh hna i mitoidor cu a vel kha a pek hna,” a ti.

PHUNGTHLÛKBIA 11:2

Aa porhlawmi nih cun mi nihsawhnak tuan ah an hmuh lai. Cucaah mi toidorte i um a ṭha deuh.

EZEKIEL 28:2

“Mipa, Tair bawi sinah cun va chim law, hihi Bawipa Pathian bia a si, va ti: Porhlawt ruamkainak in naa thawh i, ‘Kei cu pathian ka si, Rilipi cungah pathian bantukin bawiṭhutdan cungah ka ṭhu,’ na ti. Nang cu minung na si ko i pathian na si lo nain pathian tluk ah naa ruat.

PHUNGTHLÛKBIA 29:23

Mi cu aa porhlawtnak nih tangah a ṭhumh lai, sihmanhsehlaw toi dornak lungthin a ngeimi cu upatnak a hmu lai.

PHUNGTHLÛKBIA 16:18

Porhlawtnak nih hin rawknak ah mi a kalpi tawn i uanthlarnak lungthin nih hin tluknak ah a hruai tawn hna.

LUKA 14:11

Amah le amah a ngan ah aa chiami cu nauta ah chiah a si lai i mi tangah aa dormi cu mi ngan ah ser a si lai,” tiah a ti.

EZEKIEL 28:9

Nangmah an thattu hna nih an in dir-onh tikah khan, Pathian ka si, na ti ko rih lai maw? Nangmah an thattu hna kut chungah chungah cun, pathian na si lo, minung na si ko.

DANIEL 9:23

“Daniel, na hngalhnak kha fianter awkah ka ra. Na thlacamnak kha na thawk tikah Pathian nih an leh. Pathian nih an dawt caah an lehnak chimh awkah atu hi ka ra. A sullam ka chim lioah bia cu ṭha tein ruat tuah:

DANIEL 9:20

Cuticun bia ka chim i thla ka cam i keimah ka sualnak le ka mi hna an sualnak cu ka phuan i Bawipa ka Pathian hmaika ah cun a tlang thiang caah cun nawlnak kha ka tuah.

EZEKIEL 29:9

Nangmah nih naa thawh i, ‘Nail tiva cu keimah ta a si, a sertu cu keimah ka si,’ na ti caah, Izipt ram cu ram pakpalawng ah a cang lai i annih nih Bawipa ka si kha an hngalh lai.

1 SIANGPAHRANG 3:7

Cun atu cu, maw Bawipa ka Pathian, nangmah nih na salpa hi ngakchiate ka si ko nain, ka pa David hmun ah siangpahrang ah na ka ser cang; keimah cu zeitindah ka chuah lai i zeitindah ka luh lai, ti a hngal lomi ka si.