PHUNGTHLÛKBIA 17:15 - Lai (Hakha) Common Language Bible 2006

¹⁵ Miṭhalo thiamcoh le miding sualphawt hi, an pahnih in Bawipa mithmuh ah fihnung an si veve.

Laibaibal Thiang (BSI)

¹⁵ Misual thiam coter i midik thiamlo coter hi BAWIPA caah fih a nunning â khat.

PHUNGTHLÛKBIA 17:15 Խաչաձեւ Հղումներ

EXODUS 23:7

Ahmaan loin sual i phawtnak kha hrial ko u. A sual lomi kha thih dan pe hlah u, zeicahtiah cu bantuk thil ṭhalo a tuahmi cu keimah nih sual ka phawt hna lai.

ISAIAH 5:23

Hi bantuk thil tuah ah cun hi tlukin nan ral a ṭha nain zik an in nawh hna tikah misual cu nan luatter hna i a sual lomi kha an bia ding tein nan ceihpiak duh hna lo.

PHUNGTHLÛKBIA 18:5

Miṭhalo sin i duhdanh ngeih cu a ṭha lo, miding mi biading coh lo zong a ṭha lo.

AMOS 6:12

Rang cu lungpang cungah a tli kho maw? Rili cu cawtum in lei bantukin thuan khawh a si maw? A si kho lo, asinain nannih nih cun biading kha sivai ah nan ser i Dinnak ziaza a man cu a khaami thil ah nan canter.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

JEIM 5:6

A sual lomi kha sual nan phawt hna i nan thah hna i an in doh hna lo.

ROM 4:5

Sihmanhsehlaw rianṭuannak si loin zumhnak tu a ngeimi nih cun, Pathian nih a sualmi cu a sual lo ah a chiah hna tiah a zumh i cu a zumhnak cu Pathian nih amah he remternak caah a lakpiakmi cu a si.

AMOS 5:12

Zeicahtiah nan ṭhat lonak kha zeitluk in dah a tam i Nan sualnak kha zeitluk in dah a tam ti cu ka hngalh ko. Nannih nih a sual lomi kha nan hrem hna i Tlanhnak man caah mi kha nan hren hna; Zeihmanh a ngei lomi cu biaceihnak zung khan nan ṭhawl hna.

AMOS 5:7

Biading kha a bingtalet in a thlai i, Dinnak kha vawlei ah a hril i,

PHUNGTHLÛKBIA 6:16

Bawipa nih a huatmi thil paruk a um, A fihmi thil pasarih an um:

1 SIANGPAHRANG 21:13

Cun mi ṭhiṭhalo pahnih hna kha an ra i a hmaiah khan an ṭhu; cun mi ṭhiṭhalo hna nih khan mi zapi hmaiah cun Naboth cu bia an puh i, “Naboth nih Pathian le siangpahrang kha chiat a serh hna,” an ti. Cucaah khua lengah an chuahpi i thi lakin lung in an cheh.

PHUNGTHLÛKBIA 11:1

Cuai deu a hmangmi cu Bawipa nih a huat hna, sihmanhsehlaw tahnak khing ahmaanmi cu a lawmhmi a si.

SALM 94:21

miṭha kha a rawi a phiar i a sual lomi kha thih dantatnak a pemi hna he cun a komh in nan i kom kho lo.

PHUNGTHLÛKBIA 17:26

Miding mi dantat cu a ṭha lo, miṭha mi hna fung in tuk cu palh a si.

PHUNGTHLÛKBIA 31:5

Annih nih an din tikah upadi kha an philh i harnak a ingmi hna nih an hmuh awk hnga thil a simi kha zeirello in an um.

ISAIAH 5:20

Nan lo cang! Thil ṭha cu thil ṭhalo nan ti i thil ṭhalo cu thil ṭha nan ti. Khuamui kha khuaceu nan ti i khua ceu kha khua mui nan ti. A kha mi kha a thlum nan ti i a thlummi kha a kha nan ti.

ṬAHNAK HLA 3:35

Cung Nung Bik zeirello in um i mi cu an hmuhtheih awk hnga a simi chuh le

DEUTERONOMI 25:1

“Mi an i sik i zung ah an chuah i biaceihtu nih an ceih hna i a sual lomi kha an luatter i a sualmi kha sual an pek ahcun,

EZEKIEL 13:19

Nannih nih ka mi hna hmaiah barli pei khat ruang le changreu pelpawi ruangah nan ka thurhhnawmh cang, nannih nih lihbia ngaih a duh ngaimi ka mi hna sinah lih nan chimnak thawngin, a thi hnga lo ding kha nan thihter hna i a nung hnga lo ding kha nan nunter hna.