PHUNGTHLÛKBIA 17:12 - Lai (Hakha) Common Language Bible 2006

¹² Mihrut a hruh lio i ton nakcun a fa chuhmi vompi ton a ṭha deuh.

Laibaibal Thiang (BSI)

¹² Mihrut hruhlio ton nâk cha cun afa an lâk piakmi vompi he i ton hmanh thim deuh ding a si.

PHUNGTHLÛKBIA 17:12 Խաչաձեւ Հղումներ

HOSEA 13:8

A fa chuhmi vompi bantukin nannih cu kan zuanhnawh hna lai i kan thleh kan baoh dih hna lai. Chiandeih bantukin a hmunte ah khan kan ei dih hna lai i, Sahrang bantukin kan thleh cikcek hna lai.

2 SAMUEL 17:8

Cuhleiah Hushai nih cun, “Na pa le a mi hna cu miṭhawng an si le lolak i a fa lakpiakmi vom bantukin an thin a linh kha na hngalh. Cuhleiah na pa cu ral leiah a thiam ngaingaimi a si; mi hna sinah zan ah a riak lai lo.

MATTHAI 2:16

Herod nih, nichuahlei mifim hna nih an ka hlen, ti kha a hngalh tikah, a thin a hung ngaingai. Arfi a chuahnak kong nichuahlei mifim hna nih an chimning khan a caan cu a tuak i Bethlehem khua le a pawngkam i a ummi khua hna chung i ngakchiapa kum hnih ri in a tanglei paoh kha thah dih hna awkah nawlbia a pek hna.

PHUNGTHLÛKBIA 28:15

Uktu ṭhalo cu misifak hna caah, a rawl a ṭammi chiandeih le a ti a halmi vom bantuk a si.

PHUNGTHLÛKBIA 27:3

Lung hi a rit i thetse zong hi a khing a rit ko, sihmanhsehlaw mihrut nih hnahnawhnak an chuahpimi cu cu hna pahnih nakcun a rit deuh.

2 SIANGPAHRANG 2:24

Cun aa mer i a hmuh hna tikah Bawipa min in chiat a serh hna. Cun ramlak in vom a pi pahnih an ra chuak i pa ngakchia cu sawm li le pahnih an seh hna.

PHUNGTHLÛKBIA 17:11

Miṭhalo nih cun ralthawhnak lawng kha an kawl, annih cu a puarmi lamkaltu kha an thlahhnawh hna lai.

PHUNGTHLÛKBIA 29:9

Mifim nih mihrut kha taza a cuai ahcun, Mihrut cu a thin lawng a hung lai i a nih lawng a chuak men lai i daihnak zeihmanh a um hlei lai lo.