PHUNGTHLÛKBIA 16:21 - Lai (Hakha) Common Language Bible 2006

²¹ A fim i nutling patling lungthin a ngeimi cu, thil a thleidang khomi ti a si i a awka a thlum deuh paoh ah mi a lem khawh chin hna.

Laibaibal Thiang (BSI)

²¹ Lungthin in a fimmi cu khuaruatmi tiah ti an si lai i hmurka thlum nih thiamnâk a karhter.

PHUNGTHLÛKBIA 16:21 Խաչաձեւ Հղումներ

ISAIAH 50:4

Bawipa Pathian nih chim awk kha a ka cawnpiak caah tha a bami kha thazang ka pek khawh hna. A ka cawnpiak ding theih kha zing fate in a ka hngahhlangter.

PHUNGTHLÛKBIA 15:7

Mifim hmurka nih hngalhnak kha an ṭhanter, mihrut lungthin tu cu, cu bantuk a si lo.

PHUNGTHLÛKBIA 27:9

Chiti le zihmui nih lung an lawmhter, sihmanhsehlaw harnak nih lungthin kha a cheu a hmal dih tawn.

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.

JOHAN 7:46

“Hi pa bantuk hin ahohmanh nih bia an chim bal lo,” tiah an leh hna.

LUKA 4:22

An lung a hmuh ngaingai hna i bia dawhdawh a chimmi nih khan an khuaruah a harter dih hna. An i thawh i, “Amah hi Josef fapa kha a si lo hlah i?” an ti.

PHUNGCHIMTU 12:10

Phungchimtu nih hnangamnak bia kha ka kawl hna, sihmanhsehlaw ka ṭialmi bia hi lihchim lo tein ka ṭial hna.

PHUNGTHLÛKBIA 23:15

Ka fapa mifim na si ahcun keimah zong ka lung aa lawm lai.

PHUNGTHLÛKBIA 10:8

A fimmi nih cun nawlbia kha a lung chungah aa ken, sihmanhsehlaw mihrut mikatam cu ngaihchiatnak a phan lai.

SALM 45:2

Pa vialte lakah pa dawh bik na si, bia chim a thiam ngaingaimi na si; Pathian nih zungzal in thluachuahnak an pek!

1 SIANGPAHRANG 3:12

zohhmanh, na bia bangin ka tuah lai. Zohhmanh, a fim le thil a thleidang khomi lungthin kan pek, cucaah nangmah bantuk ahohmanh an rak um bal lo i nangmah bantuk hi a chuah zong an chuak bal ti fawn lai lo.

ROM 16:19

Thawngṭha kong i zumhawktlak nan si kha a mi kip nih an theih i cucaah cun nan kongah hin ka lung aa lawm. Ṭhatnak leiah cun mifim si u ti kan duh hna, sihmanhsehlaw chiatnak leiah cun ngakchia cuampual si ko u ti kan duh hna.

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

PHUNGTHLÛKBIA 16:22

Fimnak cu a ngeitu caah cun nunnak cerhti a si, sihmanhsehlaw mihrut cu a hruhnak nih dantatnak a inter.

HOSEA 14:9

A fimmi nih cun hika i aa ṭialmi hi i hngalh hna seh law an lungchung in i cinken hna seh. Bawipa lam cu lamding an si i miding mi nih cun cu lam cu an zulh hna, sihmanhsehlaw misual mi cu an ril i an tlu.

PHUNGTHLÛKBIA 10:13

Hngalhthiamnak a ngeimipa hmur ah cun fimnak a um, sihmanhsehlaw fungfek cu ruahthiamnak a ngei lomipa keng caah a si.

PHUNGTHLÛKBIA 10:23

Ṭhat lonak tuah hi mihrut caah cun lentecelh bantuk a si i sihmanhsehlaw hngalhthiamnak a ngeimi caah cun fimnak hi a nuammi a si.