PHUNGTHLÛKBIA 16:20 - Lai (Hakha) Common Language Bible 2006

²⁰ An in cawnpiakmi kha ṭha tein ruat law khuaawng na tong lai, Bawipa kha i bochan law na lung aa lawm lai.

Laibaibal Thiang (BSI)

²⁰ Ralring tein bia a ngaitu hna nih thilṭha an hmuh lai, cun BAWIPA â bochanmi cu mithluachuak an si.

PHUNGTHLÛKBIA 16:20 Խաչաձեւ Հղումներ

ISAIAH 30:18

Asinain nan cungah a velngeihnak langhter duh ah Bawipa nih an hngah ko hna. Amah nih cun a dingmi thil kha a tuah zungzal caah nanmah zaangfah awk kha aa tim ko. Lunglawmhnak hi Bawipa i bochannak chungin a chuakmi a si.

SALM 2:12

a hmaiah kun tuah u. Cu ti a si lo ahcun, a thinhunnak kha khulrang in a alhmi a si caah, a thin a hung lai i nan thi sual lai. Amah chungah aa dormi cu thluachuakmi an si.

SALM 34:8

Bawipa hi zeitluk in dah a ṭhat ti kha nanmah tein va kawl cio hmanh u, amah chungah him tein a ummi cu a lung aa lawm.

PHUNGTHLÛKBIA 19:8

Fimnak ngeih hi mah le mah dawt a si, Cun na hngalhmi kha i chingchiah law khuaawng na tong lai.

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

DANIEL 6:23

Siangpahrang cu aa lawm tuk hringhran i Daniel cu khor chung in a lengah cawi u, tiah nawl a pek hna. Cucaah Daniel cu lengah an cawi i amah nih a Pathian kha aa bochan caah a cungah hmarung zeihmanh a um lo.

DANIEL 3:28

Khi tikah Nebukhadnezzar nih cun aa thawh i, “Shadrak, Meshak le Abednego Pathian cu thangṭhat si ko seh. Amah an i bochan ca i siangpahrang nawlbia hmanh zul duh loin a um i an Pathian hleiah pathian dang biak nakcun mei chung i paih hmanh a duh deuhmi a salle hna cu, khamh awkah Amah nih a vancungmi kha a run thlah.

PHUNGTHLÛKBIA 8:35

Zeicahtiah keimah a ka hmutu nih cun nunnak kha a hmuh i Bawipa sinin duhdawtnak kha a hmuh;

SALM 146:5

Jakob Pathian kha bawmtu ah aa serhmi cu mi lunglawm an si, Bawipa a Pathian kha aa hngatchanmi cu mi lunglawm an si;

PHUNGTHLÛKBIA 13:15

Fimnak ṭha nih duhdawtnak a hlawh, Sihmanhsehlaw hlennak cu rawhralnak lei lam kalnak a si.

SALM 125:1

Bawipa aa bochanmi cu Zion Tlang bantuk an si; Zion Tlang, hninh khawh zong a si lo i ṭhial khawh zong a si lomi bantuk an si.

1 CHANRELNAK 5:20

cun annih nih bawmhnak kha an hmuh tikah Hag mi hna le an sir i a ummi vialte hna kha an kut chungah cun pek an si, zeicahtiah raldohnak hmun chungah cun Pathian kha an auh i amah kha an i bochan caah an nawlnak kha a pek hna.

PHUNGTHLÛKBIA 17:2

A fimmi sal nih a bawipa fapa, zeiruaramlo a simi kha a uk lai i unau pakhat ve bantukin ro kha a co ve lai.

SALM 32:10

Miṭhalo nih cun temhnak an in a hau ko lai, sihmanhsehlaw Bawipa aa bochanmi cu a dawtnak fek nih khan a huhphenh hna.

PHUNGTHLÛKBIA 13:13

Chimhhrinnak bia zei ah a rel lomi nih amah cungah harnak a tlunter, sihmanhsehlaw a zulmi nih cun laksawng a hmuh lai.