PHUNGTHLÛKBIA 16:14 - Lai (Hakha) Common Language Bible 2006

¹⁴ Mifim nih cun siangpahrang cu a lung lawmhter aa zuam, siangpahrang cu a thin a hun ahcun pakhatkhat thah an si sual lai.

Laibaibal Thiang (BSI)

¹⁴ Siangpahrang thinhunnâk cu thihnâk zualko bantuk a si, asinain mifim nih a daihter lai.

PHUNGTHLÛKBIA 16:14 Խաչաձեւ Հղումներ

PHUNGTHLÛKBIA 20:2

A thin a hungmi siangpahrang cu a ngur hluahmahmi chiandeih bantukin ṭih tuah, amah a thin hunter cu mah le mah i thah a si ko;

PHUNGTHLÛKBIA 19:12

Siangpahrang thinhunnak cu chiandeih ngur bantuk a si, Sihmanhsehlaw a duhdawtnak cu ram cung i a tlami dap bantuk a si.

2 KORIN 5:20

Cucaah Khrih lamkaltu bantukin kannih cu kan ra. Kannih nih kan in nawl hna hi Pathian nih an nawl hna bantuk a si: Pathian he i rem ko u, tiah Khrih min in kan in nawl hna.

LAMKALTU 12:20

Herod cu Tair le Sidon mi hna cungah khan a thin a hun ngaingai caah, cu hna nih cun a bu in amah cu ton awkah a sinah khan an va kal. A hmasa bik ah siangpahrang inn uktu Blastas kha anmah lei ṭang dingin an i sawm. Cun Herod sinah cun an va kal i i rem ko u sih, tiah an va nawl. Zeicahdah tiah an rawl laknak cu Herod siangpahrang ram hin a si.

MARKA 6:27

Cucaah ralvengtu ralkap pakhat kha a hei thlah i Johan lu cu na rak put lai, tiah nawl a pek. Ralkappa cu a chuak i thonginn ah khan a va kal i Johan lu cu a va tan;

PHUNGCHIMTU 10:4

Uktu bawi kha na cungah a thin a hun ahcun na dir hmun kha va chuahtak hlah; Dai tein na um ko ahcun, palhnak a fakmi kha ngaihthiam khawh a si.

PHUNGTHLÛKBIA 17:11

Miṭhalo nih cun ralthawhnak lawng kha an kawl, annih cu a puarmi lamkaltu kha an thlahhnawh hna lai.

GENESIS 40:2

Faro cu a bawi pahnih hna cungah cun a thin a hung i

PHUNGTHLÛKBIA 15:18

Thintawi nih siknak a chuahter, sihmanhsehlaw lungsaunak nih rem lonak a damter.

PHUNGTHLÛKBIA 16:13

Bia hmaan chim cu siangpahrang lawmhmi a si, cun biatak a chimmi cu a dawt hna.

PHUNGTHLÛKBIA 16:15

Siangpahrang hmai ceunak chungah nunnak a um, cun a zaangfahnak cu ṭhal ruah a hun ratpitu khuadawm bantuk a si.

PHUNGTHLÛKBIA 29:8

Mi nihsawh hmangmi nih khua chungah mei an thawhter tawn, Sihmanhsehlaw mifim mi nih cun mi thinlinhnak kha an daihter.

ESTHER 7:7

Cun siangpahrang cu a thinhun in rawldanghnak cun a tho i siangpahrang inn dum ah khan a kal; sihmanhsehlaw Haman cu a nunnak ca i Siangpahrangnu Esther kha zaangfah nawl awkah hnuah a rung tang, zeicahtiah a cungah khan siangpahrang nih ṭhat lonak a ruah cang ti kha a hmuh.

PHUNGTHLÛKBIA 29:26

Mi kip nih uktu bawi duhdawtnak hmuh kha an duh, Sihmanhsehlaw mi nih biading cu Bawipa sin lawngin an hmuh.

DANIEL 2:16

Cucaah Daniel cu siangpahrang hmaiah cun a vung lut i siangpahrang cu a mang sullam kha a chimh khawh nakhnga a caan ka pe rih tuah, tiah a vung nawl.