PHUNGTHLÛKBIA 15:9 - Lai (Hakha) Common Language Bible 2006

⁹ Miṭhalo hna ziaza cu Bawipa caah fihnung a si, sihmanhsehlaw dinnak a kawlmi kha a dawt hna.

Laibaibal Thiang (BSI)

⁹ Misuaksual nunning hi BAWIPA caah fihnung a si i dinnâk a zultu hna cu a dawt hna.

PHUNGTHLÛKBIA 15:9 Խաչաձեւ Հղումներ

1TIMOTE 6:11

Sihmanhsehlaw nang cu Pathian mi na si caah hi thil vialte hi hrial hna. Dinnak le Pathian hmaizahnak le zumhnak le dawtnak le in-khawhnak le lungnemnak kha tuah i zuam hna.

PHUNGTHLÛKBIA 21:21

Dinnak le zaangfahnak zulh aa zuammi nih cun Nunnak le upatnak a hmuh lai.

MATTHAI 7:13

“Kutka bi chungah cun lut tuah u, zeitintiah Hell ah a kalmi lam cu a kau i a fawi i mi tampi nih an zulh.

HABAKKUK 1:13

Ṭhat lonak kha zoh awkah na mit cu a thiang tuk i minung nih fahnak an in tikah na zoh sawhsawh kho hna lo. A si kun ahcun, zeicahdah mi cu pakhat le pakhat an i rawi lengmang lengmang tikah na zoh sawhsawh ko hna i Zeicahdah a ṭha lomi hna nih anmah nakin a ding deuhmi kha an thah len ko hna tikah hin dai tein na um ziar ko?

HOSEA 6:3

Bawipa hngalh cu i zuam u sih, Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding ṭhal ruah a sur hrimhrim lai bantukin kan sinah a ra hrimhrim lai.

JEREMIAH 44:4

Ka sal profet vialte hna kha hi ralrinnak bia he hin nannih sinah ka rak thlah lengmang hna i, ‘Ka huatmi thil fihnung hi tuah sawh hlah u,’ tiah ka ti lengmang.

2TIMOTE 2:22

Tlanval lio pumsa duhnak kha zamtak i zuam hna law, kan bawm ko tiah Bawipa sinah thla a cam lengmangmi hna he dinnak le zumhnak le dawtnak le daihnak kha kawl i zuam u.

ISAIAH 51:7

“Zeidah a hmaan ti kha a hngal i a lung chungah ka cawnpiaknak aa cinkenmi hna, ka bia ngai tuah u. Mi nih an in hro hna le an in zawmhtaih hna tikah nan thinphang hlah u.

ISAIAH 51:1

Bawipa nih aa thawh i, “Khamhnak hmuh a duhmi hna, ka bia ngai tuah u, bawmhnak hmuh a duh i ka sin i a rami hna, ngai tuah u. Nannih nan chuahnak lungpi kha ruat hmanh u, nannih an in cawh hnanak lungkhor kha ruat hmanh u.

ISAIAH 26:7

Bawipa, miṭha cu an lam na sialpiak hna i an zulhmi lam cu na pheiter.

PHUNGTHLÛKBIA 21:8

A sualmi nih cun lam kawi kha an zulh, sihmanhsehlaw a sual lomi nih cun a hmaanmi kha an tuah.

PHUNGTHLÛKBIA 21:4

Miṭhalo cu ruamkainak le porhlawtnak nih a uk hna i hihi sual a si.

PHUNGTHLÛKBIA 4:19

Miṭhalo hna lam cu zan muihnak bantuk a si, Zei cungah dah kan tluk i kan rilh ti kha an hngal lo.

SALM 1:6

Bawipa nih miding cu an lam kha a hngalh, Sihmanhsehlaw miṭhalo cu an lam kha a rawk lai.

DEUTERONOMI 7:13

an dawt hna lai, thluachuah an pek hna lai i an karhter hna lai; nan pupa hna sinah nannih kha pek awkin chiat a sermi ram chungah hin nan pum theitlai le nan vawlei theitlai, nan rawl le nan mitsur hang le nan chiti, nan cawfa hna le nan tuufa hna zong, thluachuah a pek hna lai.

SALM 139:24

Ka chungah hlenthawinak a um sual hnga maw? a um sual ahcun ka hmuhpiak law zungzal hmunmi lam ah khan ka hruai ko.

PHUNGTHLÛKBIA 8:13

Bawipa ṭihzah cu sualnak huat khi a si. Porhlawtnak, ruamkainak le sualnak lam le biadik lo kha ka huat hna.

PHUNGTHLÛKBIA 15:10

Palhnak kha na tuah ahcun fak piin dantatnak na hmuh lai, chimhhrinnak kha na duh lo ahcun na thi lai.

SALM 5:5

Miporhlaw cu na ing kho hna lo i miṭhalo cu na huat hna.

SALM 11:7

Bawipa cu a ding i tuahsernak ding kha a duh, mi dingmi nih a hmai kha an hmuh lai.