PHUNGTHLÛKBIA 15:3 - Lai (Hakha) Common Language Bible 2006

³ Bawipa nih khuazei ka i thil a ummi hmanh kha a hmuh dih, ṭhatnak kan tuah ah siseh, chiatnak kan tuah ah siseh, a kan hmuh dih ko.

Laibaibal Thiang (BSI)

³ BAWIPA mit cu hmunkip ah â chawk i thil ṭha le thilṭha lo kha a zoh tawn.

PHUNGTHLÛKBIA 15:3 Խաչաձեւ Հղումներ

HEBRU 4:13

Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar i amah sinah cun kan kong cu kan i chim cio lai.

JEREMIAH 16:17

Zeicahtiah ka mit nih an lam cu a hmuh dih ko hna i ka sin in an i thup lo, an ṭhat lonak zong hmu loin ka um lo.

JEREMIAH 23:24

Ka hmuh khawh lonak hmun pakhatkhat ah minung hi aa thup kho hnga maw? Van le vawlei hi ka khat dih lo maw? tiah Bawipa nih a ti.

2 CHANRELNAK 16:9

Zeitintiah vawlei cung dihlak ah hin Bawipa mit cu aa chawk dih i amah lei i an lung soisel awk a um lomi hna cungah a ṭhawnnak kha a langhter. Hi thil ah hin hrut piin na tuah cang; zeitintiah atu cun ral na ngei cang lai,” tiah a ti.

PHUNGTHLÛKBIA 5:21

Zeicahtiah mi nih a zulhmi a lam vialte cu Bawipa nih a hmuh dih ko i Bawipa nih cun a lam vialte cu a zoh dih ko.

JOB 31:4

Sihmanhsehlaw Pathian hrimhrim nih ka lam kha a zoh hna in ka ke hlan vialte kha a rel dih hna lo maw?

JEREMIAH 32:19

Maw a lianngan i a ṭhawngmi Pathian, na min cu Ralkapbu Bawipa a si, naa tinhmi thil cu thil lianngan an si i na tuahnak cu khuaruahhar a si. Na mit nih mi an kalnak lam vialte cu a hmuh dih i annih cu an umtuning cio le an tuahmi thil nih hmuh awk aa tlakning cio khan na lehrulh hna.

JOB 28:24

Zeicahtiah vawlei deng tiang khan a hmuh khawh i Van tang i a ummi thil vialte kha a hmuh dih hna.

PHUNGTHLÛKBIA 15:4

Bia nem cu nunnak thingkung a si, sihmanhsehlaw ṭhat lonak a tuahtu lei nih lungthin kha a khuai tawn.

ZEKHARIAH 4:10

Rian kha a kal khawh lo caah an hnabei a rak dong; sihmanhsehlaw Zerubbabel nih Biakinn cu a sak peng ko ti kha an hmuh lai i an lung aa lawm lai.

JOB 24:23

Pathian nih him tein khua a sakter ko hna, Sihmanhsehlaw ṭha tein a ngiat zungzal hna.

SALM 33:13

Bawipa nih vancung khin a run kan zoh i minung vialte hi a kan hmuh dih.