PHUNGTHLÛKBIA 15:28 - Lai (Hakha) Common Language Bible 2006

²⁸ Miṭha nih cun bialehnak an tuah hlanah an ruah hmasa, miṭhalo nih cun khulrang in an leh, sihmanhsehlaw an lehnak nih cun harnak a chuahter.

Laibaibal Thiang (BSI)

²⁸ Miding lungthin nih lehnâk ding a cawnhmasa tawn, asinain misuaksual hmurkâ nih thilṭhalo a chuahter tawn.

PHUNGTHLÛKBIA 15:28 Խաչաձեւ Հղումներ

1 PETER 3:15

Sihmanhsehlaw nan lungthin chungin Khrih kha upat u law nan Bawi ah ser u. Ruahchannak nan ngeihmi kong kha, kan chim tuah u, an timi hna an um ahcun, zeitik caan paoh i chim kho dingin timhcia tein um zungzal u.

PHUNGTHLÛKBIA 29:11

Mihrut nih cun a thinhunnak kha a langhter, Sihmanhsehlaw mifim nih cun dai tein a um i aa sum.

PHUNGCHIMTU 5:2

Bia na chim hlanah i ruat hmasa, cun Pathian sinah hnawnam in biakamnak ser hlah. Pathian cu vancung ah a um i nang cu vawlei ah na um, cucaah a herhmi hlei in zeihmanh va chim hlah.

PHUNGTHLÛKBIA 15:2

Mifimpa lei nih hngalhnak kha a karhter, sihmanhsehlaw mihrut nih cun pakpalawng bia kha a chim.

MATTHAI 12:34

Rul hna, zeitindah miṭhalo nan si ahcun nan kaa in bia ṭha cu a chuah khawh lai? Kaa nih cun lungchung i a khatmi kha pei a chim cu.

PHUNGCHIMTU 5:6

Nangmah bia lila kha sualnak chung i an luhpitu siter hlah, Pathian tlangbawi cu, khakha ka ti duhmi a si lo, tiah chimh awk herh in um hlah, zeicah Pathian cu na cungah a thin na hunter lai? Zeicahdah na rak tuahmi cu na hrawhter lai?

PHUNGTHLÛKBIA 29:20

Ruah hmasa loin bia a chim zauzaumi nakcun, mihrut caah ruahchannak a um deuh.

PHUNGTHLÛKBIA 16:23

Mifim nih cun bia a chim hlanah a ruah hmasa, cucaah a chimmi cu hmual a ngei.

PHUNGTHLÛKBIA 13:16

Mifim cu a fim i zei thil paoh kha a thuhphenh, Sihmanhsehlaw mihrut nih cun a hruhnak kha a zar in a zar.

PHUNGTHLÛKBIA 10:19

Bia tam deuh na chim paoh ah tam deuh in na sual ve sual ko lai, cucaah na fim ahcun bia naa sum lai.

2 PETER 2:18

An holh tikah an bia a puam, an i porhlaw i lawkih mi hna lak i khua a sami hna, an umnak hmun in a chuakka tete pawl foihnak ah khan pumsa duhnak kha an hman.

SALM 59:7

An chimmi bia cu ngai tuah! An lei cu an kaa chungah vainam bantuk an si nain an i thawh i, “Aho nih dah a kan theih lem lai?” an ti.

PHUNGTHLÛKBIA 10:32

Miding nih cun hi caan he hin zei bia hi dah chim awkah aa tlak ti kha an hngalh, sihmanhsehlaw miṭhalo nih cun mi ca i fahnak a chuahtertu bia lawnglawng kha a chim zungzal.