PHUNGTHLÛKBIA 15:21 - Lai (Hakha) Common Language Bible 2006

²¹ Mihrut cu an hruhnak ah khan an i lawm ko, sihmanhsehlaw mifim nih cun ahmaanmi thil kha an tuah.

Laibaibal Thiang (BSI)

²¹ Fimnâk a ngei lomi nih hruhnâk hi an lawmhnâk a si i theihthiamnâk a ngeimi hna ding tein an kal tawn.

PHUNGTHLÛKBIA 15:21 Խաչաձեւ Հղումներ

EFESA 5:15

Zeitindah kan nuncan a si ti kha ṭha tein i zoh u. Mihrut bantukin um hlah u, mifim bantukin um u.

PHUNGTHLÛKBIA 10:23

Ṭhat lonak tuah hi mihrut caah cun lentecelh bantuk a si i sihmanhsehlaw hngalhthiamnak a ngeimi caah cun fimnak hi a nuammi a si.

PHUNGTHLÛKBIA 14:16

Mifim cu ralring tein a um i ṭhat lonak kha a hrial, sihmanhsehlaw mihrut cu aa ralring lo i khulrang tuk in a tuah tawn.

PHUNGTHLÛKBIA 14:9

Mihrut cu an sual ah an zei a poi lo, sihmanhsehlaw miṭha nih cun ngaihthiamnak hmuh kha an duh.

PHUNGTHLÛKBIA 11:12

A innpa a zawmhtaihmi cu mihrut a si, sihmanhsehlaw hngalhthiamnak a ngeimi cu dai tein a um tawn.

JEIM 3:13

Nan lakah a fim i hngalhnak a ngeimi nan um maw? Cu hna nih cun a fimmi le hngalhnak a ngeimi an si kha a ṭhami an nunning le toidornak lungthin le fimnak in an tuahmi thil ah khan an langhter awk a si.

SALM 111:10

Bawipa ṭih hi fim hram i thawh cu a si; cu bantukin a nungmi cu hngalhnak ah an ṭhang, Bawipa cu zungzal in thangṭhat si ko seh.

JOB 28:28

Cun minung cu a thawh i, ‘Zohhmanh, Pathian ṭih hi fimnak cu a si, ṭhat lonak hrial hi hngalhthiamnak cu a si,’ tiah a ti,” a ti.

PHUNGTHLÛKBIA 14:8

Zeicahdah mifim cu a fim? Zeidah ka tuah lai ti kha aa hngalh caah a fim. Zeicahdah mihrut cu a hruh? Ka hngalh tiah aa ruah caah a hrut.

PHUNGTHLÛKBIA 15:22

Ruahnak i cheuhnak a um lo ahcun khuakhannak kha a pingah a kal tawn, sihmanhsehlaw ruahnak cheutu an tam ahcun a hlawh a tling tawn.

PHUNGTHLÛKBIA 4:25

Na mit nih ding tein hmailei kha zoh ko hna seh, Na hmai i a ummi thil cu fek tein i zohchih ko.

PHUNGTHLÛKBIA 4:26

Na ke nih a lamhmi lam kha ṭha tein zoh law cuticun him tein na kal kho lai.