PHUNGTHLÛKBIA 14:29 - Lai (Hakha) Common Language Bible 2006

²⁹ Dai tein a um khomi cu mifim a si, sihmanhsehlaw mithintawi nih cun zeitluk in dah a hruh ti lawng kha a langhter.

Laibaibal Thiang (BSI)

²⁹ A thin a hung zau lomi nih theihthiamnâk a ngei i mi lungrang cu hruh cawisawnnâk a si.

PHUNGTHLÛKBIA 14:29 Խաչաձեւ Հղումներ

JEIM 1:19

Ka dawtmi u le nau hna, mah hihi philh hlah u: ahohmanh bia theih duhnak leiah cun a khul a rangmi si u law biachimnak lei le thinhunnak lei ah cun a khul a nuarmi si u.

PHUNGCHIMTU 7:9

Na thin i sum khawh kha i zuam, lungchung in mi uam peng hi hruh a si.

PHUNGTHLÛKBIA 14:17

Mi thin tawi nih cun thil hrut kha an tuah tawn, sihmanhsehlaw mifim deuhmi cu an lung a sau.

PHUNGTHLÛKBIA 15:18

Thintawi nih siknak a chuahter, sihmanhsehlaw lungsaunak nih rem lonak a damter.

PHUNGTHLÛKBIA 19:11

Lungsau thinfual hi fim a si, Palhnak i hmaimilh cio hi minung sunparnak a si.

PHUNGTHLÛKBIA 16:32

Thinhun leiah a khul a nuarmi cu thazang a ṭhawngmi nakin a ṭha deuh. A lungthin aa uk khomi cu khuapi a latu nakin a ṭha deuh.

PHUNGTHLÛKBIA 25:28

A thin aa sum kho lomi cu, Baohmi khua, kulhnak vampang a ngei ti lomi bantuk a si.

NAMBAR 12:3

Moses cu vawleicung mi vialte lakah lungnem bik a si.

MATTHAI 11:29

Ka seihnam kha i bei u, kei cu nunnem le mitoidor ka si caah ka nawl hi i cawn ve u; cun dinhnak kha nan hmuh lai.

PHUNGCHIMTU 10:6

Mihrut mi hi hmunsang le nawlngeihnak kha an pek hna i mirum kha an thlei hna le

PHUNGTHLÛKBIA 25:8

Na mit nih a hmuhmi kha khulrang in zung ah chuahpi hlah, Zeicahtiah tehte dang nih na palhnak kha a hnuah a langhter khawh ahcun zeitindah na um lai?

PHUNGTHLÛKBIA 4:8

Na lung chungah i chiah law sangpi ah an cawi lai, i pom law upatnak an phakter lai.

MATTHAI 2:16

Herod nih, nichuahlei mifim hna nih an ka hlen, ti kha a hngalh tikah, a thin a hung ngaingai. Arfi a chuahnak kong nichuahlei mifim hna nih an chimning khan a caan cu a tuak i Bethlehem khua le a pawngkam i a ummi khua hna chung i ngakchiapa kum hnih ri in a tanglei paoh kha thah dih hna awkah nawlbia a pek hna.

PHUNGTHLÛKBIA 14:28

Siangpahrang cu ukmi tampi a ngeih tikah a lianngan, ukmi a ngeih lo ahcun a bawinak cu a lo ko.

PHUNGTHLÛKBIA 17:27

Amah aa zum vemi nih cun bia tampi a chim lo, dai tein a ummi cu thil thuk piin a hmu khomi an si.

PHUNGCHIMTU 7:8

Thil donghnak hi a hramthawknak nakin a ṭha deuh; lung a saumi hi aa porhlawmi nakin a ṭha deuh.