PHUNGTHLÛKBIA 12:28 - Lai (Hakha) Common Language Bible 2006

²⁸ Dinnak cu nunnak lei kalnak lam a si, Hruhnak cu thihnak lei kalnak lam a si.

Laibaibal Thiang (BSI)

²⁸ Dinnâk lam ah nunnâk a um i culam ah cun thihnâk a um lo.

PHUNGTHLÛKBIA 12:28 Խաչաձեւ Հղումներ

3 JOHAN 1:11

Ka dawtmi ka hawi, a ṭha lomi nawl cu i cawn hlah, a ṭhami nawl tu i cawn ko. Thil ṭha a tuahmi paoh cu Pathian mi an si, thil ṭhalo a tuahmi paoh nih cun Pathian kha an hmu lo.

ROM 5:21

Cucaah sualnak nih cun thihnak kha hmang in a kan uk bantukin Pathian vel nih cun dinnak kha hmang in a kan uk i Jesuh Khrih kan Bawipa thawngin zungzal nunnak ah a kan kalpi.

PHUNGTHLÛKBIA 11:19

Dinnak tuah awk aa rialchih pengmi cu a nung lai, sihmanhsehlaw dinlonak tuah aa sehchih pengmi cu a thi lai.

1JOHAN 3:7

Ka fale hna, ahohmanh i hlenter hna hlah u. A dingmi thil a tuahmi paoh cu miding a si ko, Khrih a din bantuk khan;

1JOHAN 2:29

Khrih cu a ding ti kha nan hngalh; cucaah ahmaanmi thil a tuahmi paoh cu Pathian fa an si ti kha nan hngalh awk a si.

EZEKIEL 18:9

Dinlonak kha a hrial i pakhat le pakhat karlak ah aa buaktlak tein a um. Ka nawlbia kha a zulh hna i ka phungbia kha fel tein a tuah hna. Cu bantuk mi cu miding an si: amah cu a nung lai, tiah Bawipa Pathian nih a ti.

PHUNGTHLÛKBIA 10:16

Miṭha nih an hmuhmi laksawng cu nunnak a si, sihmanhsehlaw sualnak nih cun sualnak lawng a chuahpi lengmang.

PHUNGTHLÛKBIA 8:35

Zeicahtiah keimah a ka hmutu nih cun nunnak kha a hmuh i Bawipa sinin duhdawtnak kha a hmuh;

DEUTERONOMI 30:15

“Zohhmanh, nihin ah nannih hmaiah nunnak le ṭhatnak, thihnak le vanchiatnak kha ka chiah.

PHUNGTHLÛKBIA 9:11

Zeicahtiah keimah thawngin na ni hna cu an karh lai i na nunnak ah kum tampi chap an si lai.

DEUTERONOMI 32:46

annih sinah, “Nihin ah ralrinnak bia kan pekmi hna vialte hi nan lung chungah i chiah tuah u. Hi phungbia chung bia vialte cu, ṭha tein an tuah nakhnga, nan fale kha nawl pe hna u.

JEREMIAH 21:8

Cun Bawipa nih Jeremiah cu a thawh i, “Hi miphun cu hi tiin na chimh fawn hna lai. Hi bangin Bawipa nih a ti: Zohhmanh u, nunnak lam le thihnak lam i thim awkah kan pek hna.

DEUTERONOMI 30:19

Nannih hmaiah nunnak le thihnak, thluachuahnak le chiatserhnak ka chiah kha a hngaltu ah nihin ah van le vawlei kha ka kawh hna. Cucaah nunnak kha i thim tuah u, nanmah le nan tefa hna nih nan nun nakhnga —

PHUNGTHLÛKBIA 10:2

Ṭhat lonak in hmuhmi chawva cu a miak lo, sihmanhsehlaw dinnak cu thihnak chungin chuahtertu a si.