PHUNGTHLÛKBIA 12:24 - Lai (Hakha) Common Language Bible 2006

²⁴ Miteima cu uktu an si lai, sihmanhsehlaw mithathu cu an thathutnak nih mi sal ah a canter hna lai.

Laibaibal Thiang (BSI)

²⁴ Mi taima kut nih a uk lai i thathu mi cu ba cikcek in hranhram in ṭuanter an si lai.

PHUNGTHLÛKBIA 12:24 Խաչաձեւ Հղումներ

PHUNGTHLÛKBIA 12:27

Ramvai thathu nih sa an kap kho bal lo, Sihmanhsehlaw teimami nih cun a sungmi chawva kha an hmuh lai.

PHUNGTHLÛKBIA 10:4

Kut thathu nih cun pamnak a chuahter, sihmanhsehlaw miteima kut nih cun rumnak a chuahter.

PHUNGTHLÛKBIA 17:2

A fimmi sal nih a bawipa fapa, zeiruaramlo a simi kha a uk lai i unau pakhat ve bantukin ro kha a co ve lai.

PHUNGTHLÛKBIA 13:4

Mizaangthu pa nih cun zeilo pakhatkhat kha a duh ngaingai ko hnga, sihmanhsehlaw cucu a hmu bal lai lo, rian fak piin a ṭuanmi tu nih cun a duhmi paohpaoh kha a hmuh lai.

PHUNGTHLÛKBIA 22:29

Amah a rian ah a thiammipa cu siangpahrang hna hmaiah a dirmi a si lai, mi sawhsawh hna hmai men ah a dirmi a si lai lo.

PHUNGTHLÛKBIA 22:13

Mithathu cu inn ah aa benh ko, lengah ka chuah ahcun chiandeih nih a ka seh lai, a ti.

PHUNGTHLÛKBIA 19:15

Thathutnak nih mitkuh thu chungah a paih tawn hna, Mithathu cu rawlṭamnak a ing lai.

1 SIANGPAHRANG 11:28

Jeroboam cu thil ti kho ngai a si i Solomon nih tlangvalpa cu miteima a si ti kha a hmuh tikah, Josef hrin nih an ṭuan awk hnekmi rian vialte cung i haotu ah khan a chiah.

GENESIS 49:15

Aa dinhnak hmun kha zeitluk in dah a ṭhat ti le, a umnak ram kha zeitluk in dah a nuamh ti kha a hmuh tikah a phorhmi thil kha phorh awkah aa hnek ṭhan i sal bantukin rian har a ṭuanmi ah a cang.

1 SIANGPAHRANG 9:21

Israel mi nih an hrawh dih khawh lomi hna, an hnu i an tefa a rung tangmi hna kha — mah hna hi Solomon nih hnekmi rianṭuantu sal bu ah a ser hna i cu bang cun nihin tiang hin an si.

1 SIANGPAHRANG 12:20

Cun Israel mi vialte nih Jeroboam kha a kir ṭhan cang, tiah an theih tikah, an i pumhnak ah khan an hei cah i an kawh i Israel mi vialte cung siangpahrang ah an ser. Judah phun lawnglawng dah ti lo cu, David innchungkhar a zulmi cu ahohmanh an um lo.

BIACEIHTU 1:28

Israel mi cu an hung ṭhawn tikah Kanaan mi hna cu hnekmi rian an ṭuanter hna, sihmanhsehlaw an dawi dih cikcek hna lo.