PHUNGTHLÛKBIA 12:20 - Lai (Hakha) Common Language Bible 2006

²⁰ Ṭhat lonak khua a khangtu hna cu anmah le anmah an i hleng ko, sihmanhsehlaw zapi ca ṭhatnak a kawlmi hna caah cun lunglawmhnak a um.

Laibaibal Thiang (BSI)

²⁰ Ṭhatlonâk a ruattu hna lungthin ah hlennâk a um i daihnâk chimtu hna nih lawmhnâk an ngei.

PHUNGTHLÛKBIA 12:20 Խաչաձեւ Հղումներ

MATTHAI 5:9

Mi le mi karah remnak a sertu cu lunglawmmi nan va si dah! Pathian nih, ka fa, tiah an ti hna lai.

HEBRU 12:14

Midang he rem i zuam u law nunnak thiang in nun i zuam u, zeicahtiah nunnak thiang ngeih loin ahohmanh nih Pathian cu an hmu kho lai lo.

ZEKHARIAH 6:13

Bawipa biakinn a satu ding cu amah a si lai, siangpahrang sunparnak a hmu ding cu amah cu a si lai, a bawiṭhutdan cungah a ṭhu i a orhlei kamah tlangbawi he a uktu ding cu amah a si lai; cun an karlak ah remnak a um lai,’ na ti lai,” tiah a ti.

PHUNGTHLÛKBIA 12:12

Miṭhalo hna ralhau cu tlak bantukin a cim, sihmanhsehlaw miding hna hram cu fek tein a dir.

ROM 1:29

Annih cu ṭhat lonak a phunphun le duhfahnak le puarnak le nahchuahnak in an khat i an lungthin cu lainawnnak le i dohnak le i hlennak le ziarngeihnak in a liam in a liam. Pakhat le pakhat an i congoih,

JEREMIAH 17:16

Sihmanhsehlaw Maw Bawipa, an cungah ṭhat lonak tlunter kha kan fial bal lo i An ca i harnak caan tlun kha ka duhmi a si bal lo. Nangmah nih ka ka in a chuakmi bia vialte cu na hngalh dih, Ka chimmi bia vialte cu na hnatlakmi an si ko.

2 CHANRELNAK 22:4

Ahab innchungkhar nih an rak tuah bang khan, amah zong nih Bawipa mithmuh i ṭhat lonak kha a tuah; a pa thih hnuah, anmah cu ṭhat lonak tuahnak leiah khan fim a chimtu an si.

PHUNGTHLÛKBIA 12:19

Biatak cu zungzal in amah ningte a si ko, sihmanhsehlaw lih cu caan tawite lawnglawng a nung.

PHUNGTHLÛKBIA 12:21

Miding hna cungah cun ṭhat lonak a tlung lo, sihmanhsehlaw miṭhalo hna nih cun harnak lawnglawng kha an hmuh.

SALM 119:118

Na phunglam a zul duh lomi vialte kha na hlawt hna, zernak in khua an khanmi vialte cu pakpalawng a si.

DANIEL 11:27

Cu siangpahrang pahnih hna cu pakhat cung i ṭhat lonak tuah kha an i tim peng lai i cabuai pakhat ah an ṭhu ko lai nain pakhat le pakhat cu lih in bia an i hleng lai i caan rem a phak rih lo caah aho an ca hmanh ah ṭhathnemnak zeihmanh a um lai lo.