PHUNGTHLÛKBIA 12:15 - Lai (Hakha) Common Language Bible 2006

¹⁵ Mihrut nih cun ka ding tiah a ruah zungzal, lungthin cheuhmi a ngaimi cu mifim an si.

Laibaibal Thiang (BSI)

¹⁵ Mihrut nih amah lam kha a dik bikah a ruah, asinain fimchimhnâk biapi i a ruatmi cu mifim a si.

PHUNGTHLÛKBIA 12:15 Խաչաձեւ Հղումներ

PHUNGTHLÛKBIA 3:7

Mah mithmuh i a fimmi va si hlah; Bawipa kha ṭih law ṭhat lonak kha mertak ko.

PHUNGTHLÛKBIA 19:20

Lungthin cheuhnak le cawnpiaknak kha ngai tuah, ni khatkhat cu na fim ve te ko lai.

PHUNGTHLÛKBIA 14:16

Mifim cu ralring tein a um i ṭhat lonak kha a hrial, sihmanhsehlaw mihrut cu aa ralring lo i khulrang tuk in a tuah tawn.

PHUNGTHLÛKBIA 14:12

Lam dik tiah na ruahmi kha thihnak lei kalnak lam a si kho ko.

PHUNGTHLÛKBIA 1:5

Cun mifim zong nih an ngaih ahcun an fimnak a ṭhang lai i Hngalhthiamnak a ngeimi nih thiamnak an hmuh chin lai i

PHUNGTHLÛKBIA 26:12

Amah aa hmuhnak ah ka fim aa timi nakcun, mihrut caah ruahchannak a um deuh.

PHUNGTHLÛKBIA 16:25

Na ruahnak i lam ding a si na timi kha thihnak lei kalpitu lam a si ko hnga.

PHUNGTHLÛKBIA 16:2

Na tuahmi cu a ṭha dih in na ruah ko lai, sihmanhsehlaw Bawipa nih naa tinhnak na lungthin cu a hngalh dih.

GALATI 6:3

Ahohmanh nih, zeihmanh si set ṭung loin, pa ka si ve tiin aa ruah ahcun amah le amah aa hlen a si.

PHUNGTHLÛKBIA 9:9

Mifim cu cawnpiak law a fim chin lai, miding cu cawnpiak law a thiamnak aa chap lai.

PHUNGTHLÛKBIA 21:2

Mi kip nih mahle umtuning cio hi mahle mit cio ah cun a dik in hmuh a si, Sihmanhsehlaw lungthin cuai a thlaitu cu Bawipa a si.

LUKA 18:11

Farasi pa cu a dir i hi bantukin thla a cam: ‘Maw Pathian, kei cu midang bantukin hak a kaumi, lih a chimmi, nu le pa sualnak a tuahmi, ka si lo caah nangmah cu kan lawmh; cun khi ngunkhuai khawltupa bantuk zong khi ka si lo caah kan lawmh fawn.

PHUNGTHLÛKBIA 30:12

Anmah an i hmuhnak ah cun a thiang i, an fihnunnak aa thianh ṭung lomi an um fawn;

PHUNGTHLÛKBIA 28:11

Mirum nih cun ka fim tiah an i ruat zungzal, sihmanhsehlaw hngalhthiamnak a ngeimi misifak nih khan anmah nakin a hngalh deuh.

PHUNGCHIMTU 4:13

Mi pakhatkhat cu sifak te a si nain a ṭhang lengmang i an ram siangpahrang ah a cang, asiloah thonginn in siangpahrang ṭhutdan ah a kai, sihmanhsehlaw cu pa nih cun a tar tikah ruahnak cheuhmi kha a duh lo ahcun, a si a fak nain a fimmi tlangval kha cu pa nakcun a ṭha deuh.

PHUNGTHLÛKBIA 26:16

Fim tein bia lehnak a chim khomi minung pasarih nakin, Mithathu cu amah aa ruahnak ahcun a fim deuh.

PHUNGTHLÛKBIA 13:1

Fapa fim nih cun a pa nih a chimhhrinnak kha a ngaih, Sihmanhsehlaw mi lungpuam nih cun ka palh tiah a ti bal lo.

PHUNGTHLÛKBIA 13:10

Uahfaihnak nih cun rem lonak lawng kha a chuahter. Sihmanhsehlaw aa nawl thiammi hawikom hna bu chungah cun fimnak a um.