PHUNGTHLÛKBIA 12:12 - Lai (Hakha) Common Language Bible 2006

¹² Miṭhalo hna ralhau cu tlak bantukin a cim, sihmanhsehlaw miding hna hram cu fek tein a dir.

Laibaibal Thiang (BSI)

¹² Misuaksual nih miṭha lo hna tlaihmi kha a hngar hna, asinain miding hna hram nih theitlai a chuah.

PHUNGTHLÛKBIA 12:12 Խաչաձեւ Հղումներ

JOHAN 15:5

Mitsur ruang cu keimah hi ka si i a nge cu nanmah hi nan si. Ahohmanh ka chungah a um i kei zong a chungah ka um ahcun, amah cu thei tampi a tlai khomi cu a si; zeicahtiah keimah loin nan tuah khawhmi zeihmanh a um lo.

ISAIAH 37:31

Judah phun chungin a tangmi hna kha, vawlei chungah thuk piin hram a thla i thei a tlaimi thingkung bantukin an hninghno lai.

ISAIAH 27:6

Cu ni ah cun, Israel mi, Jakob tefa hna cu thingkung bangin hram an thla lai i an kuhkulul lai i an par lai. Vawlei cu an tlai kha a khat dih lai.

SALM 10:9

chiandeih bantukin a bawh hna, a rap in a foih hna i a kalpi hna.

SALM 1:3

Tiva kamah a khomi thingkung, a caan hmaan tein a thei a tlai i a hnah a uai bal lomi bantuk an si. An tuahmi thil kip ah khua awng an tong.

ROM 6:22

Sihmanhsehlaw atu cu sualnak chung khan luatter nan si cang i Pathian sal nan si cang; nan miakmi cu Pathian sinah pekchanhmi nunning a si i cu nih a chuahpimi cu zungzal nunnak a si.

JOHAN 15:16

Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.

PHUNGTHLÛKBIA 10:15

Mirum hna an ralhruang cu an chawva a si, misifak hna an rawhnak cu an sifahnak hi a si.

SALM 9:15

Lawkihmi nih khor an cawh i anmah an tla; rap an chiah i anmah an i foih.

MIKAH 7:2

Ram chungah lihchim lomi miding pakhat hmanh an tang ti lo, Pathian sin i zumhawktlak in a ummi pakhat hmanh an um ti lo. An dihlak in an thi dih ai. Zeitik ah dah lainawnnak caan ṭha ka hmuh lai ti lawng kha an bawh cio ko, Sakaptupa nih a rap chungah foih awkah sa a hot hna bantukin, u le nau kha pakhat le pakhat i foih awkah an i hot.

PHUNGTHLÛKBIA 11:30

Dinnak theitlai cu nunnak thingkung a si, sihmanhsehlaw zaang-ennak cu nunnak thah kha a si.

PHUNGTHLÛKBIA 21:10

Miṭhalo nih cun ṭhat lonak kha a duh zungzal ko, A innpa cungah zaangfahnak a ngei lo.