PHUNGTHLÛKBIA 11:29 - Lai (Hakha) Common Language Bible 2006

²⁹ Amah innchungkhar cungah harnak a tluntermi cu a donghnak ah cun zeihmanh a ngei lai lo, mihrut cu mifim hna sinum an si zungzal lai.

Laibaibal Thiang (BSI)

²⁹ Mah chungkhar a buaitertu nih a comi ro cu thlitu a si lai i mihrut cu lungthin a fimmi hna sinum a si te lai.

PHUNGTHLÛKBIA 11:29 Խաչաձեւ Հղումներ

PHUNGCHIMTU 5:16

Mah hihi thil ṭhalo ngai a si ko, kan ratning te khan kan kal ṭhan ko. Rian heh tiah kan ṭuan, thlitu tlaih kha kan i zuam, sihmanhsehlaw zeidah kan hmuh?

HOSEA 8:7

Israel nih thli a tuh i phuchim a zun; A dirmi rawl kung vui a ngei lomi nih rawl fang zeihmanh an chuahpi lo. An chuahpi hmanh ah an chuahpimi cu ramdangmi nih an dolh dih lai.

PHUNGTHLÛKBIA 15:27

A hak a kaumi nih a innchungkhar cungah harnak a tlunter, sihmanhsehlaw nawhthuh a duh lomi cu saupi a nung lai.

PHUNGTHLÛKBIA 14:19

Miṭhalo cu miṭha hna hmaiah khan an bawk, miṭhalo cu miding hna kutka ah khan an kun.

1 SAMUEL 25:38

Cun ni hra tluk hnuah Bawipa nih Nabal cu a tuk i a thi.

1 SAMUEL 25:17

Cucaah mah hihi hngal law zeidah ka tuah lai ti kha i ruat tuah; zeitintiah kan bawipa le a innchungkhar vialte cung i ṭhat lonak tuah kha timh a si cang, amah hi ahohmanh nih chawnh khawh loin michiakha a si fawn ṭung,” tiah a ti.

1 SAMUEL 25:3

Cu pa a min cu Nabal a si i a nupi min cu Abigal a si. Minu cu a fimmi le aa dawhmi a si, sihmanhsehlaw mipa cu mikhepkha le ziaza ṭhalo a si; amah cu Kaleb mi a si.

GENESIS 34:30

Jakob nih Simeon le Levi cu, “Harnak chungah nan ka paih ai; atu cu hi ramchung mi vialte Kanaan mi hna le Periz mi hna nih an ka huat cang. Kei cu mi tampi a ngeimi ka si lo, cucaah cun hi hna vialte hi an i fonh dih i an ka tuk ahcun, keimah he ka innchungkhar dihlak he an kan hloh ko lai,” a ti.