PHUNGTHLÛKBIA 10:8 - Lai (Hakha) Common Language Bible 2006

⁸ A fimmi nih cun nawlbia kha a lung chungah aa ken, sihmanhsehlaw mihrut mikatam cu ngaihchiatnak a phan lai.

Laibaibal Thiang (BSI)

⁸ Mifim nih a lungthin in nawlpêk a cohlan hna, asinain bia a tamhmi mihrut cu a tlu lai.

PHUNGTHLÛKBIA 10:8 Խաչաձեւ Հղումներ

PHUNGTHLÛKBIA 12:1

Hngalhnak a duhmi nih cun a palh tikah na palh tiah chimh kha a duh, palhnak chimh huat cu hruh a si.

JEIM 3:13

Nan lakah a fim i hngalhnak a ngeimi nan um maw? Cu hna nih cun a fimmi le hngalhnak a ngeimi an si kha a ṭhami an nunning le toidornak lungthin le fimnak in an tuahmi thil ah khan an langhter awk a si.

PHUNGTHLÛKBIA 9:9

Mifim cu cawnpiak law a fim chin lai, miding cu cawnpiak law a thiamnak aa chap lai.

PHUNGTHLÛKBIA 1:5

Cun mifim zong nih an ngaih ahcun an fimnak a ṭhang lai i Hngalhthiamnak a ngeimi nih thiamnak an hmuh chin lai i

PHUNGCHIMTU 10:12

Mifim cu a kaa chungin a chuakmi bia nih upatnak a pek, Sihmanhsehlaw mihrut cu amah bia lila nih a hrawh.

PHUNGTHLÛKBIA 14:23

Rianṭuan harnak nih hin ṭhathnemnak a chuahpi, kaa chim men lawng nih cun sifahnak lawng a chuahpi ko.

PHUNGTHLÛKBIA 14:8

Zeicahdah mifim cu a fim? Zeidah ka tuah lai ti kha aa hngalh caah a fim. Zeicahdah mihrut cu a hruh? Ka hngalh tiah aa ruah caah a hrut.

PHUNGTHLÛKBIA 13:3

Na biachimmi kha i ralring law na nunnak kha naa veng kho lai, ralrin loin bia a chimmi nih cun amah lila kha aa hrawk ko.

PHUNGTHLÛKBIA 12:13

Mi ṭhalo cu amah chimmi bia lila nih khan rap ah a foihter, sihmanhsehlaw miding cu harnak chungin an luat.

PHUNGTHLÛKBIA 10:10

Palhnak a um tikah tla dedep tein a mit a ṭhepmi cu harnak chuahtertu a si, sihmanhsehlaw ralṭhat in mi a chimhringmi cu daihnak umtertu a si.

SALM 119:34

Na phunglam kha fiang tein ka chim law ka zulh lai; ka lungthin a dih umnak in ka zulh lai.

PHUNGTHLÛKBIA 9:8

Miruamkai cu nun chim hlah, an huat sual lai, mifim cu nun chim law an dawt lai.

PHUNGTHLÛKBIA 10:14

Mifim nih cun hngalhnak kha an i khon, sihmanhsehlaw mihrut nih bia an chim hluahmah tikah khan rawknak kha a nai.