PHUNGTHLÛKBIA 10:19 - Lai (Hakha) Common Language Bible 2006

¹⁹ Bia tam deuh na chim paoh ah tam deuh in na sual ve sual ko lai, cucaah na fim ahcun bia naa sum lai.

Laibaibal Thiang (BSI)

¹⁹ Bia a tam ahcun palhnâk zong a tam, a hmur a kilvengtu cu mifim a si.

PHUNGTHLÛKBIA 10:19 Խաչաձեւ Հղումներ

JEIM 3:2

Kan dihlak hin palhnak kan tuah cio tawn. A biachim ah palhnak a tuah lomi cu mitling a si i a pum aa uk khomi a si.

JEIM 1:19

Ka dawtmi u le nau hna, mah hihi philh hlah u: ahohmanh bia theih duhnak leiah cun a khul a rangmi si u law biachimnak lei le thinhunnak lei ah cun a khul a nuarmi si u.

PHUNGCHIMTU 5:3

Na lungre a theih deuh paoh ah mang chia na manh deuh ko lai, cu bantukin tam deuh bia na chim paoh ah hruhnak bia kha tam deuh na chim sual ko lai.

SALM 39:1

“Ka tuahmi ah khan kaa ralring lai ka lei kha sualnak ka tuahter lai lo; miṭhalo kha lamnai i an um lioah zeihmanh ka chim lai lo,” ka ti.

JOB 11:2

“Bia tampi hi leh loin maw um a si lai? Mi biatam paoh hi maw thiamco zungzal a si lai?

PHUNGTHLÛKBIA 18:21

Lei nih hin thah khawhnak le nunh khawhnak ṭhawnnak a ngei, cucaah na bia chimmi theitlai cu na co a herh lai.

PHUNGCHIMTU 5:2

Bia na chim hlanah i ruat hmasa, cun Pathian sinah hnawnam in biakamnak ser hlah. Pathian cu vancung ah a um i nang cu vawlei ah na um, cucaah a herhmi hlei in zeihmanh va chim hlah.

PHUNGTHLÛKBIA 11:12

A innpa a zawmhtaihmi cu mihrut a si, sihmanhsehlaw hngalhthiamnak a ngeimi cu dai tein a um tawn.

PHUNGTHLÛKBIA 11:13

Aa chawk lengmangmi mihmursau cu biathli phuan hmangmi an si, sihmanhsehlaw zumh awk tlak a simi nih cun thil kha a lung chungah a thuh hna.

PHUNGTHLÛKBIA 12:23

Mifim nih cun a fimnak kha a langhter lo, Sihmanhsehlaw mihrut nih cun a hruhnak kha a thanh in a thanh.

PHUNGCHIMTU 5:1

Biaknak inn na kal ah hin i ralring. Cu ka i na va kal tikah zeidah kaa cawn khawh lai ti kha ruat deuh, cucu ahmaanmi thil le ahmaan lo mithil a thleidang kho lomi mihrut hna nih an pekchanhmi raithawinak nakin a ṭha deuh.