PHUNGTHLÛKBIA 10:11 - Lai (Hakha) Common Language Bible 2006

¹¹ Miding kaa cu nunnak cerhti a si, sihmanhsehlaw miṭhalo hna kaa nih cun zaang-ennak kha an i hmawm.

Laibaibal Thiang (BSI)

¹¹ Miding hmurkâ cu nunnâk tikhor a si i misuaksual hmurkâ cu zângennâk nih a khuh.

PHUNGTHLÛKBIA 10:11 Խաչաձեւ Հղումներ

PHUNGTHLÛKBIA 13:14

Mifim hna cawnpiaknak cu nunnak cerhti a si, mah cucu thihnak rap chungin an luatter khotu a si.

PHUNGTHLÛKBIA 10:6

Thluachuahnak cu miding hna lu cungah a um, sihmanhsehlaw miṭhalo hna kaa nih cun zaang-ennak kha an i hmawm.

PHUNGTHLÛKBIA 18:4

Minung holh hi fimnak hram a si kho, rili bantukin a thuk kho i a luang lengmangmi tiva bantukin a thar lengmang kho.

EFESA 4:29

Bia nan i ruah tikah mi ca ṭhat lonak bia hmang hlah u. Mi ca i san a tlaimi, a herhmi zawn i ṭhatnak a chuahpitu le a theimi thluachuah vanluh a petu ding bia lawng kha hmang u.

PHUNGTHLÛKBIA 20:15

Sui tampi a um ko, a man a tammi lung zong tampi an um ko, sihmanhsehlaw fimnak bia cu a tlawmte i a man a sung cikmi lungvar a si.

PHUNGTHLÛKBIA 15:7

Mifim hmurka nih hngalhnak kha an ṭhanter, mihrut lungthin tu cu, cu bantuk a si lo.

PHUNGTHLÛKBIA 10:32

Miding nih cun hi caan he hin zei bia hi dah chim awkah aa tlak ti kha an hngalh, sihmanhsehlaw miṭhalo nih cun mi ca i fahnak a chuahtertu bia lawnglawng kha a chim zungzal.

SALM 107:42

Miding mi nih mah hihi an hmuh i an i lawm, sihmanhsehlaw miṭhalo cu cipkhap ti ngam loin an um.

PHUNGTHLÛKBIA 15:4

Bia nem cu nunnak thingkung a si, sihmanhsehlaw ṭhat lonak a tuahtu lei nih lungthin kha a khuai tawn.