PHUNGCHIMTU 8:14 - Lai (Hakha) Common Language Bible 2006

¹⁴ Sihmanhsehlaw cucu pakpalawng a si. Vawlei cung i thil umtuning hi zoh ngat u, miding mi nih pei miṭhalo mi hna nih an hmuh awk a simi dantatnak kha an in i miṭhalo mi nih miding mi hna hmuh awk a simi laksawng kha an hmuh tawn ko hi. Mah hihi pakpalawng a si, ka ti.

PHUNGCHIMTU 8:14 Խաչաձեւ Հղումներ

PHUNGCHIMTU 7:15

Ka nun chung hi pakpalawng a si ko, sihmanhsehlaw hi chungah hin zeizong vialte ka hmuh dih; pakhat cu a ding ko nain a thi i pakhat tu cu a ṭhalo ko nain a chan a sau.

MALAKHI 3:15

“Miruamkai pei lunglawmmi cu an si ko hi, miṭhalo hna pei an nun a nuamh lawng si loin Pathian a hneksak i a luatmi an si ko hi,” nan ti.

PHUNGCHIMTU 2:14

Mifim nih cun khuazei ah dah kan kal ti kha an hmuh khawh, mihrut nih cun an hmu kho lo. Sihmanhsehlaw kan donghnak cu aa khat ṭhiamṭhiam ko lai ti kha ka hngalh ṭhan.

SALM 73:3

zeicahtiah miṭhalo hna an huncho kha ka hmuh i an i porhlawt kha ka theih tikah cu nih cun ka nah a ka chuahter.

JOB 21:7

Zeicahdah miṭhalo hi an chan a sau i an tar zongah an ngan a dam, an lian an ngan i an ṭhawn?

JEREMIAH 12:1

Maw Bawipa, nangmah cu na din caah bia kan al lai, Na hmaiah ka bia cu ka rak chuahpi ko lai. Zeicahdah mi ṭhalo hna cu khuaawng an ton i hlen hmangmi hna cu nuam tein khua an sak?

PHUNGCHIMTU 10:5

Vawlei cungah hin thil ṭhalo ka hmuhmi pakhat a um. Cucu uktu bawi hna nih an chuahtermi hi a si.

PHUNGCHIMTU 4:8

Mipa pakhat cu amah lawng tein khua a sa. Fapa a ngei lo, unau zong a ngei lo, sihmanhsehlaw rian a ṭuan zungzal i a hmuhmi chawva kha zeitikhmanh ah kaa za cang ti a ngei kho lo. Aho ca ko ah hen cu ti lawmmam cun a ṭuan i a nuamh hmanh i nuam ngam lote in a um? Mah hihi pakpalawng a si fawn ko, aa nuam lo ngaimi minung a si ko.

PHUNGCHIMTU 4:4

Zeicahdah minung nih hin tlamtlinnak ding caah fak piin rian a ṭuan ti zong kha ka hngalh cang: hawi nakin tam deuh ngeih an duh caah a si. Cucu pakpalawng a si ko, thlitu dawi men kha a si ko.

JOB 1:22

Hi vialte ah hin Job nih sualnak a tuah lo i Pathian cu a mawhchiat lo.

JOB 27:12

Nanmah hrim nih hi thil hi nan dihlak in nan hmuh cang hna ahcun, Zeicahdah pakpalawng bia hi nan chim lengmang kun?