PHUNGCHIMTU 7:15 - Lai (Hakha) Common Language Bible 2006

¹⁵ Ka nun chung hi pakpalawng a si ko, sihmanhsehlaw hi chungah hin zeizong vialte ka hmuh dih; pakhat cu a ding ko nain a thi i pakhat tu cu a ṭhalo ko nain a chan a sau.

PHUNGCHIMTU 7:15 Խաչաձեւ Հղումներ

PHUNGCHIMTU 6:12

Zeitindah, ahohmanh nih a nun chung caan tawite, pakpalawng ngai a simi chungah hin zeidah ka caah a ṭha bik ti cu an hngalh khawh lai? A nunnak tham cu thladem bangin a lo zaumi pei a si ko cu. Aho nih dah a thih hnuah hin vawlei cungah zeidah a hung um lai ti kha a hngalh khawh lai?

LAMKALTU 7:52

Nan pupa hna nih an rak hrem lomi profet an um maw? Pathian Sal a rat lainak hlanpi in a rak chim chungtu Pathian lamkaltu hna kha an rak thah hna. Cun atu cu nannih nih amah kha nan rawi i nan nawn.

ISAIAH 65:20

Ngakchia kha an no lioah an thi ti lai lo i ahopaoh tar tlung in an nung cio lai. Kum za khat a simi kha mino ah rel an si lai. Cu hlan i thih cu dantatnak hmelchunhnak a si lai.

PHUNGCHIMTU 9:9

Hi vawlei cungah Pathian nih nunnak an pekmi nunnak santlailo chung i na nun chung vialte hi na dawtmi nu he nuamhnak in hmang ko, pakpalawng a simi ni hna cu an dihlak in nuamhnak ah hmang ko hna, zeicahtiah cu vial cu pei harnak na inmi chungin na hmuhmi cu a si ko lai cu.

PHUNGCHIMTU 3:16

Cuhleiah vanrang tangah hin ṭhat lonak nih dinnak le a hmaanmi thil kha an hmun a rolh lengmang hna ti kha ka hmuh.

PHUNGCHIMTU 2:23

Na nun chung paohpaoh ah cun na tuahmi thil paoh nih hin lungfahnak le lung retheihnak dah ti lo cu zeihmanh an pekmi a um lai lo. Zan hmanh ah na ruahnak kha na dinhter kho lo. Mah zong hi pakpalawng a si ko.

SALM 39:6

thlahawm menmen an si ko. An tuahmi vialte hi pakpalawng an si dih; chaw le va kha heh tiah an khon, sihmanhsehlaw a cotu ding cu aho an si kha an hngal lo.

1 SIANGPAHRANG 21:13

Cun mi ṭhiṭhalo pahnih hna kha an ra i a hmaiah khan an ṭhu; cun mi ṭhiṭhalo hna nih khan mi zapi hmaiah cun Naboth cu bia an puh i, “Naboth nih Pathian le siangpahrang kha chiat a serh hna,” an ti. Cucaah khua lengah an chuahpi i thi lakin lung in an cheh.

GENESIS 47:9

Jakob nih cun, “Ka vahvaih chung hi kum za le sawm thum a si cang. Hi kum hna hi a harmi kum an si. Ka pupa hna an vahvaih kum he tuak chun ahcun tlawmte a si ko,” tiah a leh.

JOHAN 16:2

An pumhnak inn in an in ṭhawl hna lai. Cun nanmah thah hi Pathian rian ṭuan a si tiah mi nih an ruah caan a phan lai.

SALM 10:3

Miṭhalo nih a duhnak ṭhalo kha aa porhlaw i hakkaumi nih Bawipa kha a vawlhpamh i a hlawt.