PHUNGCHIMTU 6:7 - Lai (Hakha) Common Language Bible 2006

⁷ Mi nih heh tiah rian a ṭuan cu ei awk hmuhnak ding caah a si ko, sihmanhsehlaw kaa za cang ti cu a um kho hlei lo.

PHUNGCHIMTU 6:7 Խաչաձեւ Հղումներ

JOHAN 6:27

Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

PHUNGTHLÛKBIA 16:26

Rianṭuantu cu a rawl duhnak nih khan fak deuh in a ṭuanter, zeicahtiah a rawlṭamnak kha daihter a duh.

MATTHAI 6:25

“Cucaah cun nan nunnak ding ca i nan herhmi rawl le ti kong ah le nan pum ca i nan herhmi hnipuan kong ah lungrethei awlokchong in va um hlah u, kan ti hna. A ngaingai ti ahcun, nunnak hi rawl nakin a biapi deuh lo maw? Cun pum zong hi hnipuan nakin a biapi deuh lo maw?

LUKA 12:19

Cun keimah le keimah cu kaa thawh lai i, Mivanṭha pa! Kum tampi caah a za in thil ṭha vialte cu na ngeih cang. Cucaah nuam tein um ko cang, ei law ding law i nuam ko, ka ti lai,’ a ti.

PHUNGCHIMTU 6:3

Mi pakhatkhat nih fa za khat a ngeih ko hnga i kum saupi a nung ko hnga, sihmanhsehlaw zei caan a nun hmanh ah lunglawmhnak kha a ngeih lo i hmaizahnak tein vuinak kha a hmuh lo ahcun, cu pa nakcun a thi cia i a chuakmi ngakchia kha a ṭha deuh.

PHUNGCHIMTU 5:10

Tangka duhmi na si ahcun, zeitikhmanh ah kaa za cang na ti kho bal lai lo; rum a duhmi na si ahcun, na duhmi vialte kha cu na hmu kho bal lai lo. Pakpalawng a si ko.

PHUNGCHIMTU 6:8

Zeitindah mifim mi cu mihrutpa nakin ṭhathnemnak a hmuh hlei? Zeitindah kan nun awk a si ti hngalh nih hin misifak cu zeidah a ṭhathnem?

PHUNGCHIMTU 1:8

Zeizong vialte hi thadi le zaangbang an si dih, holh in chim khawh hmanh an si lo; mi nih hin hmuh hi cim ti a ngei lo i hna nih hin theih hi khim ti a ngei ve lo.

PHUNGCHIMTU 5:9

Ram pakhatkhat nih a herh tawnmi cu lo thlawhnak lei i lungthin a ngeimi siangpahrang a si.