PHUNGCHIMTU 5:11 - Lai (Hakha) Common Language Bible 2006

¹¹ Na rum deuh paoh ah na cawm awk kha an tam chin lengmang ko lai i naa miakmi cu ka rum ti naa hngalh lawng kha a si ko lai.

PHUNGCHIMTU 5:11 Խաչաձեւ Հղումներ

1JOHAN 2:16

Vawlei ta a simi thil paohpaoh — pumsa duhnak tehna, mi nih zoh an duhmi thil hna, mi nih porhlawtnak ah an hmanmi thil tehna hi Pa sinin a rami an si lo; vawlei in a rami lawngte an si dih.

HABAKKUK 2:13

Nan teimi miphun hna nih fak piin an rak ṭuanmi cu pakpalawng ah nan ser i an rak sakmi cu meizik in nan khangh dih. Hihi a tuahtu cu ralkapbu Bawipa a si.

PHUNGTHLÛKBIA 23:5

Na tangka cu mitṭhep ah an lo kho ko, Thla kha i serh duak in mupi bangin an zuang kho ko.

PHUNGCHIMTU 6:9

Pakpalawng a si ko, thlitu dawi bantuk ṭhiamṭhiam a si ko. Ngeihmi cungah lungawi tein um hi ngeih chin lengmang duhnak nakin a ṭha deuh.

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

GENESIS 13:2

Abram cu mi rum ngaingai a si, tuu tampi a ngei, meheh tampi a ngei, caw tampi a ngei i sui le ngun zong tampi a ngei.

GENESIS 12:16

Amah ruangah cun Faro nih cun Abram cu ṭha tein a zohkhenh i tuu run le meheh run le caw le laa le sal le kalauk kha a pek.

JEREMIAH 17:11

Dinlonak in chawva a ngei luaimaimi cu Amah ti a si lomi ti a bu chungah a tlummi vaking bantuk a si, A chan ṭim hlanah a chawva cu a kaltak ko hna lai i A donghnak ah cun mihrut a si kha amah nih a langhter ko lai.

PHUNGCHIMTU 2:9

Ka ngan taktak ko, Jerusalem khua i a rak ummi aho nak hmanh khan ka ngan deuh ko i ka fim ngaingai fawn.

PHUNGCHIMTU 5:12

Rian hrang a ṭuanmi cu ei awk a zaa a ngeih caan a um lai, a ngeih lo caan zong a um lai, sihmanhsehlaw zan tal ah ṭha tein aa hngilh; sihmanhsehlaw mirum cu tampi a ngei ko nain a lungretheihnak nih khan hngilh lo in a umter.