PHUNGCHIMTU 2:8 - Lai (Hakha) Common Language Bible 2006

⁸ Cun ka ukmi hna ram siangpahrang hna rothil chung khan sui le ngun kaa pumh hna; hlasatu nu he pa he kaa chiah hna i ka duh zat in nu kha kaa ngeih hna.

PHUNGCHIMTU 2:8 Խաչաձեւ Հղումներ

1 SIANGPAHRANG 10:10

Cun siangpahrang cu sui talen za khat le kul le zihmui tampi le lungvar man sung hna kha a pek; Sheba siangpahrangnu nih Siangpahrang Solomon a pekmi tluk tam hin zihmui a lut ṭhan bal ti lo.

1 SIANGPAHRANG 9:28

cun Ofir ah an va kal i cuka cun sui an rak phorh; an rak phorhmi cu talen za li le kul a si; annih nih Siangpahrang Solomon sinah khan an rak phorh.

2 SAMUEL 19:35

Keimah cu nihin ah hin kum sawm riat ka si; zei hi dah a nuam i zei hi dah a nuam lo ti kha ka thleidan khawh ti maw? Na sal nih hin ka eimi siseh, ka dinmi siseh, a thawtnam hmanh ka theih khawh ti maw? Hlasami pa hna le hlasami nu hna an aw hoi hna kha ka ngaih khawh ti maw? Cu a si caah cun zeicahdah na sal cu siangpahrang ka bawipa caah aa chapmi thilrit ka si lai?

1 SIANGPAHRANG 10:14

Solomon sinah kum khat ah a lutmi sui a rih lei cu talen za ruk, sawm ruk le paruk a si;

AMOS 6:5

Tingtang kha nan i tum i David bantukin hlasaknak thilri kha nan i ser hna;

DANIEL 3:15

Nannih nih muko thawng le tingtang thawng le tummi a phunphun le hlasak thawng kha nan theih tikah, kan bawk lai i na phunmi milem cu kan biak lai, nan ti ahcun a ṭha ko lai. Sihmanhsehlaw nan biak lo ahcun, a alh hluahmahmi meiphu chungah nannih cu paih nan si colh ko lai; ka ṭhawnnak chungin an chuah khotu hna zei pathian tal a um lai, tiah nan ruat maw?” tiah a ti.

DANIEL 3:7

Cu bantukte cun, miphun zakip le holh phun zakip hna nih khan muko le tingtang tummi a phunphun thawng le hlasak thawng kha an theih cangka tein an bawk i Nebukhadnezzar nih a phunmi milem cu an biak.

DANIEL 3:5

“Maw miphun zakip le holh phun zakip hna, nannih nih muko thawng le tingtang thawng le thonglawi thawng le darkhing thawng le tummi phun kip thawng le hlasak thawng kha nan theih tikah nan bawk lai i Siangpahrang Nebukhadnezzar nih a phunmi sui milem cu nan biak lai, tiah nawl pek nan si.

EZRA 2:65

hi hleiah an sal hna le an salnu hna cu thong sarih za thum sawm thum le pasarih an um i hlasatu, nu he pa he, za hnih an ngei hna.

2 CHANRELNAK 9:11

Cun siangpahrang nih algum thing cun Bawipa inn hleihlak hna le siangpahrang inn hleihlak hna le hlasatu hna ca i tingtang hna le ruakhuang hna zongah a ser hna; Judah ram chungah cu bantuk cu hmuh an si bal lo.

1 CHANRELNAK 25:6

Annih cu an dihlak in an pa nih a hruai hna i Bawipa inn chung i sumsel le tingtang le thonglawi he tiah Bawipa inn chung i rianṭuannak ah khan awdawh satu an si. Asaf, Jeduthun le Heman tu cu siangpahrang nawl tangah khan an um.

1 CHANRELNAK 25:1

David le rianṭuannak i upa bikbik hna nih cun rianṭuannak ca dingah khan Asaf fapa hna le Heman fapa hna le Jeduthun fapa hna lak khan tingtang le thonglawi le sumsel hna he bia a chimtu dingah mi kha an thleidan hna. Cu rian a ṭuantu hna le an rian cazin cu mah hihi a si:

1 SIANGPAHRANG 14:27

Siangpahrang Rehoboam nih anmah can ah cun dar phaw a ser hna i siangpahrang inn innka a cawngtu ralkap bawi hna kut chungah khan a chiah hna.

1 SIANGPAHRANG 10:21

Siangpahrang Solomon hrai vialte cu sui an si i Lebanon Tupi Inn umkheng vialte cu sui thiang an si; pakhat hmanh ngun an um lo, Solomon chan ah cun ngun cu zeihmanh ah an rak rel lo.

1 SIANGPAHRANG 9:14

Hiram nih khan siangpahrang cu sui talen za khat le kul a rak pek.

1 SIANGPAHRANG 11:3

Nupi za sarih, bawi fanu, le nuchun za thum a ngei hna i a nupile nih cun a lung cu an pialter.

PHUNGCHIMTU 1:2

Pakpalawng lawngte, pakpalawng lawngte! Zeizong vialte hi pakpalawng an si ko, tiah Phungchimtu nih a ti.