PHUNGCHIMTU 2:17 - Lai (Hakha) Common Language Bible 2006

¹⁷ Cucaah nunnak hi ka caah sullam zeihmanh a ngei lo. Zeicahtiah harnak dah ti lo cu zeihmanh a ka pekmi a um lo. Pakpalawng men a rak si ko. Thlitu men ka rak dawi ko.

PHUNGCHIMTU 2:17 Խաչաձեւ Հղումներ

PHUNGCHIMTU 2:11

Khi tikah ka tuahmi vialte kha ka zoh hna i ka tuahnak hna ah khan zeitluk in dah ka re a theih ti kha ka ruah tikah, zeihmanh an rak si lo ti kha ka vun hngalh. Thlitu dawi bantuk ceo kha a rak si ko i zeihmanh ṭhathnemnak a um lo.

JONAH 4:8

Cun ni a hung chuah tikah nichuahlei thli lin kha Pathian nih a hranter i Jonah cu ni nih a lukheng in a vun emh caah a thi dengmang. Cucaah thihnak caah khan thla a cam i, “Ka caah hin nun nakin thih a ṭha deuh,” a ti.

PHUNGCHIMTU 4:2

A thi i a lomi kha ka hngar deuh hna; a nung rihmi nakin an caah a ṭha deuh.

HABAKKUK 1:3

Zeicahdah ṭhat lonak hi vialte hi na ka hmuhter i mi nih fahnak an inmi cu na zoh sawhsawh men ko? Rawhralnak le zaang-ennak nih an ka chuahhnawh, Remlonak kha a chuak i siknak kha a tam.

JONAH 4:3

Cucaah cun atu cu ka that ko. Ka caah hin nun nakin thih a ṭha deuh,” tiah a ti.

EZEKIEL 3:14

Thlarau nih a ka cawi i a ka zuanpi i lunglawmhnak he khat in ka kal i Bawipa kut cu ka cungah ṭhawng ngaiin a um.

PHUNGCHIMTU 6:9

Pakpalawng a si ko, thlitu dawi bantuk ṭhiamṭhiam a si ko. Ngeihmi cungah lungawi tein um hi ngeih chin lengmang duhnak nakin a ṭha deuh.

PHUNGCHIMTU 3:16

Cuhleiah vanrang tangah hin ṭhat lonak nih dinnak le a hmaanmi thil kha an hmun a rolh lengmang hna ti kha ka hmuh.

PHUNGCHIMTU 2:22

Rethei le zaangbang in ni toiah na ṭuanmi vialte chung hin zeidah na ngeih?

PHUNGCHIMTU 1:14

Vawlei cung i an tuahmi thil vialte hi ka hmuh dih, an dihlak in pakpalawng men a si ko, thlitu dawi bantuk men khi an si ko.

SALM 89:47

Bawipa, minung cu a nunnak hi zeitluk in dah a tawi ti kha philh hlah; mi vialte cu a thi dingin na kan ser dih kha philh hlah!

JOB 14:13

Pathian, Sheol ah khin ka thup law ka duh; Na thinhunnak a daih tiangin ka thup tuah, Khika ah cu tiangin na um lai tiah caan ka khiahpiak law Cun ka hngal ṭhan te tuah!

1 SIANGPAHRANG 19:4

Sihmanhsehlaw amah tu cu ramlak ah ni khat lamkal a kal i hmunphiah thingkung tangah a ra i a ṭhu; cun a thih nakhnga a hal i, “A za cang; atu cu maw Bawipa, ka nunnak kha la ko; zeitintiah ka pupa hna nakin ka ṭha hlei ṭung lo,” tiah a ti.

NAMBAR 11:15

Mahtihin na ka tuah ding a si ahcun, hmakhatte ah ka that ko, na mithmai ah velngeihnak ka hmuh a si ahcun, ka retheihnak kha ka hmuhter hlah,” tiah a ti.

PHUNGCHIMTU 1:17

Cun fimnak le hruhnak, thil hngalhthiam khawh lonak le hngalh thiam khawhnak an i dannak hi hngalh kaa zuam hrimhrim lai, ka ti. Sihmanhsehlaw cucu ka caah thlitu dawi tluk ceo kha a rak si ko ti cu ka hngalh ṭhan.

PHUNGCHIMTU 4:3

Sihmanhsehlaw cu hna pahnih nakin a ṭha deuh chinchinmi cu a nun in a nung bal lomi kha an si, hi vawlei cung i a um lengmangmi dinlonak a hmuh in a hmu bal lomi kha an si.