PHUNGCHIMTU 2:10 - Lai (Hakha) Common Language Bible 2006

¹⁰ Ka duhmi paoh kha ka hmuh khawh, nuamhnak kha zeihmanh ka tlolhmi a um lo. Thil ka tuahmi paoh nih khan thangṭhatnak an ka pek i cucu ka laksawng a si.

PHUNGCHIMTU 2:10 Խաչաձեւ Հղումներ

PHUNGCHIMTU 9:9

Hi vawlei cungah Pathian nih nunnak an pekmi nunnak santlailo chung i na nun chung vialte hi na dawtmi nu he nuamhnak in hmang ko, pakpalawng a simi ni hna cu an dihlak in nuamhnak ah hmang ko hna, zeicahtiah cu vial cu pei harnak na inmi chungin na hmuhmi cu a si ko lai cu.

PHUNGCHIMTU 5:18

Hihi ka va hmuhmi thil a si. Mi nih hin a ṭha bik a tuah khawhmi cu ei i din i Pathian nih nunnak tawite a pekmi chung i a rianṭuanmi chungin a hmuhmi kha i nuamhpi hi a si ko; cucu minung kan covo cu a si ko.

PHUNGCHIMTU 3:22

Cucaah minung nih a ṭha bik a tuah khawhmi cu a ṭuan man a hmuhmi i nuamhpi hi a si ti kha ka hngalh. Cu pinah a tuah khawhmi dang zeihmanh a um lo. A thih hnuah zeidah a hung um te lai ti a hngalh khawhnak lam zeihmanh a um lo.

SALM 119:37

Santlailo thil kha biapi i ka rel sual nakhnga lo ka bawm, bia na ka kamh bang khan ka cungah ṭhatnak tuah ko.

SALM 128:2

Rian na ṭuan tikah nangmah pawcawmnak khim na hmuh lai i na lung aa lawm lai i khua awng na pem lai.

1JOHAN 2:16

Vawlei ta a simi thil paohpaoh — pumsa duhnak tehna, mi nih zoh an duhmi thil hna, mi nih porhlawtnak ah an hmanmi thil tehna hi Pa sinin a rami an si lo; vawlei in a rami lawngte an si dih.

PHUNGCHIMTU 2:22

Rethei le zaangbang in ni toiah na ṭuanmi vialte chung hin zeidah na ngeih?

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

PHUNGCHIMTU 6:9

Pakpalawng a si ko, thlitu dawi bantuk ṭhiamṭhiam a si ko. Ngeihmi cungah lungawi tein um hi ngeih chin lengmang duhnak nakin a ṭha deuh.

PHUNGTHLÛKBIA 23:5

Na tangka cu mitṭhep ah an lo kho ko, Thla kha i serh duak in mupi bangin an zuang kho ko.

JOB 31:1

“Ka mit kha, ngaknu na ngia hrimhrim lai lo, tiah ka ti.

BIACEIHTU 14:2

Cun a hung tlung i a nu le a pa cu, “Timnah ah Filistin mi ngaknu pakhat ka hmuh; amah cu ka innchung caah ka ṭhitpiak tuah u,” tiah a ti.

GENESIS 6:2

Cu fanu hna an i dawh cu pathian fapa hna nih khan an hmuh hna i cucaah an duhmi kha an i thim hna i an ṭhit hna.

GENESIS 3:6

Nu nih cun thingkung cu mithlang ngai a si le a thei cu mitthi ngai a si kha a hmuh tikah a fimmi si cu zeitluk in dah a nuamh hnga ti kha a ruat. Cucaah a thei cu a lawh i a ei. Cun a va zong kha tlawmpal a pek ve i a ei ve.

PHUNGCHIMTU 5:10

Tangka duhmi na si ahcun, zeitikhmanh ah kaa za cang na ti kho bal lai lo; rum a duhmi na si ahcun, na duhmi vialte kha cu na hmu kho bal lai lo. Pakpalawng a si ko.

PHUNGCHIMTU 6:2

Pathian nih mi pakhatkhat cu rumnak, upatnak le thilri kha a pek, a duhmi paohpaoh kha a pek ko. Sihmanhsehlaw cu hna cu i lawmhpi awk kha a sianh fawn ṭung lo. Midang pakhat khat tu nih khan a hun i lawmhpi ko hna. Cucu pakpalawng a si i a din zong a ding lomi thil a si.

PHUNGCHIMTU 9:6

Dawtnak, huatnak, duhnak an ngeihmi vialte kha anmah sinah cun a thi ve. Hi vawlei cung i a ummi thil ah hin an i tel ve bal ti lai lo.

PHUNGCHIMTU 2:1

Kaa nuam tuah lai, lunglawmh timi hi a sullam zeidah a si ka kawl tuah lai, ka ti. Sihmanhsehlaw hi zong hi pakpalawng men a si ko.

PHUNGCHIMTU 2:24

Minung nih hin a ṭha bik a tuah khawhmi cu zeidah a si ti ahcun, ei i din i a hmuhmi paoh kha i nuamhpi hi a si ko. Asinain mah zong hi Pathian kut in a rami a si kha ka hngalh;

PHUNGCHIMTU 5:17

Muihnak chung le ngaihchiatnak chungah hin lungrethei le thinhung le ngandam loin kan nun a herh ko.

PHUNGCHIMTU 8:15

Cucaah minung hi aa nuamh khawh chungin i nuam ko seh, ka ti. Zeicahtiah a nun chung i a hmuhmi nuamhnak cu ei le din le mah le mah i nuamh lawng hi a si ko i hi vawlei cung i Pathian nih nunnak a pekmi chung i rian a ṭuannak ah hin hi ceo cu pei a tuah khawhmi cu a si ko cu.