PHUNGCHIMTU 12:4 - Lai (Hakha) Common Language Bible 2006

⁴ Lam i thawngpang kha na hna a kut caah na thei kho lai lo. Rawl rialnak seh thawng kha a thei kho menmen na si lai i aw dawh zong an tum tikah a thei kho menmen na si lai. Sihmanhsehlaw vate onh thawng hmanh nih naa hngilhnak in an hlauh khawh lai.

PHUNGCHIMTU 12:4 Խաչաձեւ Հղումներ

JEREMIAH 25:10

Cun annih sinin thanuamnak aw thawng le lawmhnak aw thawng vialte cu ka daihter lai; nupi ṭhipa aw thawng le a mo aw thawng le rawl rialnak lung aw thawng hna cu ka daihter hna lai; meiinn ceunak cu ka hmih dih hna lai.

2 SAMUEL 19:35

Keimah cu nihin ah hin kum sawm riat ka si; zei hi dah a nuam i zei hi dah a nuam lo ti kha ka thleidan khawh ti maw? Na sal nih hin ka eimi siseh, ka dinmi siseh, a thawtnam hmanh ka theih khawh ti maw? Hlasami pa hna le hlasami nu hna an aw hoi hna kha ka ngaih khawh ti maw? Cu a si caah cun zeicahdah na sal cu siangpahrang ka bawipa caah aa chapmi thilrit ka si lai?

BIAPHUAN 18:22

A chung i a rak um tawnmi tingtang tum thiam hna le aw dawh tum thiam hna le thonglawi tum thiam hna le muko tum thiam hna nih an tum tawnmi aw kha zeitikhmanh ah theih ṭhan a um ti lai lo. A chungah rianṭuantu an um ti lai lo i facang rialnak thawng kha theih a um ti lai lo.

ISAIAH 47:2

Facang rialnak lung kha mer ko kun, changvut kha rial ko kun. Na hmai khuhnak puan kha i phawih law na thil thuam ṭhaṭha kha i phawih hna.

JOB 41:14

Aho nih dah a hmai innka cu a hun khawh lai? A ha tian cu ṭihnung a si.