PHUNGCHIMTU 11:8 - Lai (Hakha) Common Language Bible 2006

⁸ Na nun chungte hi cu na nun rihmi kum paoh caah khan i lawm ko, Zeicahtiah zei can na nun hmanh ah na nun chung nakin na thih hnu cu a sau deuh ṭheo lai ti kha hngal ko. Hmailei thil zeihmanh i ngaih awk a um lo.

PHUNGCHIMTU 11:8 Խաչաձեւ Հղումներ

JOHAN 12:35

Jesuh nih cun, “Nan sinah hin ceunak cu tlawmpal chung cu a um ko rih lai. Ceunak nan sin i a um chung cu, muihnak nih an phanh hna nakhnga lo, hmailei ah kal lengmang ko u; zeicahtiah mui lak i khual a tlawngmi cu khuazei i an kal kha an i hngal tawn lo.

DEUTERONOMI 32:29

Fim hna seh law cu, mah hi an hngalhthiam hnga, An hmailei donghnak kha an hmuh hnga!

JOEL 2:2

Cu ni cu muihnak le khuachiat ni, Chum le minmei aa zelh ni a si lai. Tlang cungah khin nak khupmap in khaubawk bu ngan pipi cu an hung chuak; Anmah bantuk cu a um bal lo i hmailei caan zongah a um bal fawn lai lo.

PHUNGCHIMTU 7:14

Ṭhat ni ah i lawm law harnak na ton ni ah hihi va ruat tuah: Pathian nih lunglawmhnak zong cu a umter i harnak zong cu a umter, hmailei ah zeidah a um lai ti bel, ahohmanh nih an hngal lo.

JUDAS 1:18

An in chimhmi hna cu, “Donghnak ni a phak tikah cun, nanmah an nihsawhtu hna le a ṭha lomi an pumsa duhnak lawng a zulmi hna kha an chuak lai,” ti pei a si kha.

JEREMIAH 13:16

Bawipa nan Pathian cu sunparnak pe tuah u, Khua a muih hlan le huaphap lawngin a ceumi tlang pang i nan ke a nal hlan le Nannih nih nan kawlmi ceunak cu mui padap i a ser hlanah hin.

PHUNGCHIMTU 8:15

Cucaah minung hi aa nuamh khawh chungin i nuam ko seh, ka ti. Zeicahtiah a nun chung i a hmuhmi nuamhnak cu ei le din le mah le mah i nuamh lawng hi a si ko i hi vawlei cung i Pathian nih nunnak a pekmi chung i rian a ṭuannak ah hin hi ceo cu pei a tuah khawhmi cu a si ko cu.

PHUNGCHIMTU 8:12

Misual mi nih sualnak kha voi za khat a tuah zongah a nung ṭhiamṭhiam ko. Asi, an chimmi cu ka hngalh, “Pathian na ṭih ahcun zeizong vialte a ṭha dih ko lai.

PHUNGCHIMTU 6:11

Sau deuh nan i al paoh ah pakpalawng a si chin lengmang i na caah zeihmanh ṭhathnemnak a um hlei lo.

MATTHAI 22:13

Cun siangpahrang nih khan a sinum cu a thawh hna i, ‘A kut le a ke kha ṭem u law, khua leng mui lakah hei hlonh u. Cuka ah cun va ṭap seh law a hacang va rial seh,’ tiah a ti.

PHUNGCHIMTU 6:6

mi pakhatkhat cu kum thong hnih hmanh a nung ko hnga i a nun chungah nuamhnak hmu ṭung lomi a si ahcun, cu pa nakcun ngakchia kha dinhnak kha a hmu deuh. A donghnak ah cun an pahnih in hmun khat ah pei an va kal ko lai cu.

PHUNGCHIMTU 4:16

Siangpahrang nih a ukmi hna hi rel cawk lo an si ko lai, sihmanhsehlaw a thih tikah cun a rak tuahmi thil ruangah khan a cung i a lawmmi ahohmanh an um hlei lo. Hihi pakpalawng a si fawn ko, thlitu dawi men cu a si ko.

PHUNGCHIMTU 4:8

Mipa pakhat cu amah lawng tein khua a sa. Fapa a ngei lo, unau zong a ngei lo, sihmanhsehlaw rian a ṭuan zungzal i a hmuhmi chawva kha zeitikhmanh ah kaa za cang ti a ngei kho lo. Aho ca ko ah hen cu ti lawmmam cun a ṭuan i a nuamh hmanh i nuam ngam lote in a um? Mah hihi pakpalawng a si fawn ko, aa nuam lo ngaimi minung a si ko.

PHUNGCHIMTU 2:26

Pathian nih a lung a tongtu hna kha cu, fimnak le hngalhnak le lawmhnak a pek hna; sihmanhsehlaw misual hna kha cu, rian a ṭuanter hna, an ṭuan man cu a hmuhter hna i a khonter hna, sihmanhsehlaw cucu a lung a tong deuhtu kha a pek hna. Mah zong hi pakpalawng le thlitu dawi men a si ko.

PHUNGCHIMTU 2:19

cun mah pa cu mifim a si lai le mihrut a si lai kha aho nih dah a hngalh? A zei a si hmanh ah rethei ngaiin ka ṭuanmi le ni toiah ka fimnak ka hmanmi thil vialte cungah amah cu bawi a si ko lai. Mah zong hi pakpalawng a si ko.

PHUNGCHIMTU 2:17

Cucaah nunnak hi ka caah sullam zeihmanh a ngei lo. Zeicahtiah harnak dah ti lo cu zeihmanh a ka pekmi a um lo. Pakpalawng men a rak si ko. Thlitu men ka rak dawi ko.

PHUNGCHIMTU 2:15

Mihrut cung i a tlungmi thil kha keimah cung zongah a tlung ve ko lai. Cucaah ka fim hi zei ṭhathnemnak a um hlah i? ka ti. Zeihmanh ṭhathnemnak a um lo, a um hrimhrim lo.

JOB 18:18

Amah cu ceunak in muihnak ah nam a si i minung umnak vawlei cungin dawi a si.

JOB 15:23

Langta hna rawl caah hlonh a si i, Cu bantuk mi nih cun, ka rawhnak ding kha a fiang, tiah a hngalh.

JOB 14:10

Sihmanhsehlaw minung cu a thi i an vui, Mi nih cun a thaw hmanung bik a chuah i khuazei ah dah a um ti.

JOB 10:22

Cu ram cu thihnak thladem umnak le zeizong vialte sullam ngei lo i an umnak hmun, Ceunak cu muihnak a sinak hmun a si, ka ti lai,” tiah a ti.

PHUNGCHIMTU 9:7

Va kal ko, na rawl cu va ei law vaa nuam ko, na zu cu va ding law na tha va nuam ko, na tuahmi paoh cu Pathian hnatla a si ko.

PHUNGCHIMTU 11:2

Na tangka rianṭuannak cu hmun tampi ah chia hna, Zeitintiah vawlei cungah hin zei ṭhat lonak dah a tlung lai, na hngal lo.

JOB 14:12

Minung cu a it i a tho ṭhan ti lo, Van hna khi an um ti lo hlan lo cu aa ṭhang lai lo. Mi cu a thih ahcun a nung ṭhan kho lai maw? Aa hngilhnak in aa hlau bal ti lai lo.

SALM 49:20

Mi cu lianhngannak nih thihnak in a khamh kho lo; saram bantukin a thi ve ko lai.