PHUNGCHIMTU 11:5 - Lai (Hakha) Common Language Bible 2006

⁵ Nu nih fa an pawimi ruh chungah zeitindah thlarau kha a luh ti kha na hngalh lo bantukin zeizong vialte a sertu Pathian rian ṭuannak cu na hngal kho ve bal lai lo.

PHUNGCHIMTU 11:5 Խաչաձեւ Հղումներ

JOHAN 3:8

Thlitu cu a duhnak paoh ah a hrang ko; a thawng cu na theih, sihmanhsehlaw khuazei in dah a rat le khuazei ah dah a kal kha na hngal lo. Thlarau in hrin a simi cu, cu bantuk cun an si ve,” tiah a ti.

SALM 92:5

Maw Bawipa, na tuahmi thil cu zeitluk in dah an ngan! Na ruahnak cu zeitluk in dah a thuk!

PHUNGCHIMTU 8:17

sihmanhsehlaw Pathian nih a tuahmi thil cu hngalh khawh lo ṭhiamṭhiam a si peng ko, ti kha ka hngalh. Zei tluk hmanh in i zuam law na hngal bal lai lo. Mifim nih kan hngalh an ti hnga, sihmanhsehlaw an hngal lo.

ROM 11:33

Pathian hi a va rum hringhran dah! A fimnak le a hngalhnak hi an va thuk hringhran dah! Biakhiahnak a tuahmi hi aho nih dah a sullam an purh khawh lai? A thil tining hi aho nih dah an hngalh khawh lai?

ISAIAH 40:28

Nan hngal lo maw? Nan thei lo maw? Bawipa cu zungzal hmunmi Pathian a si i Amah nih vawlei kha a ser dih; zeitikhmanh ah a baa bal lo i a thazang a tlawm bal lo. Ahohmanh nih a lungthin kha an hngal lo.

SALM 104:24

Bawipa, na sermi thil hi an tam hringhran ko! An dihlak in fimnak in na ser hna. Vawlei cu na sermi thil in a khat.

PHUNGCHIMTU 7:24

Zeitindah mi nih nunnak hi zeidah a si tiah an tuak khawh lai? Kan caah a thuk tuk, hngalhawk a har tuk.

SALM 40:5

Maw Bawipa ka Pathian, nangmah nih kan caah thil tampi na tuah; nangmah bantuk ahohmanh an um lo. Nangmah nih lam ṭhaṭha tampi khua na kan khanpiak. An dihlak in chim i tim ning law a chim hmanh ka chim cawk hna hnga lo.

JOB 38:4

Vawlei hram ka rak ser lioah hin khuazei ah dah na rak um? Na hngalh i na theih ahcun ka chim tuah.

JOB 37:23

Lianngan Bik cu kannih nih kan hmu kho lo; Amah a ṭhawnnak cu kannih nih kan hngalh khawh leng a si, A dinnak cu biading tuah awkah khan a khul a nuar lo.

JOB 5:9

Amah nih thil lianngan hna le ruah phak lomi thil hna le khuaruahharmi thil kha rel cawk loin a tuah hna:

PHUNGCHIMTU 1:6

Thli cu thlanglei ah a vung hrang, cun chaklei ah a hun i let ṭhan; aa kual lengmang i aa thawknak ah khan a kir ṭhan.

PHUNGCHIMTU 1:13

Vanrang toiah mi nih an tuahmi thil vialte hi ka hneksak hna lai i a sullam hngalh kaa zuam hna lai. Pathian nih minung kan cungah thil a kan khinhmi hi a nuam lo ngaimi a si ko.

PHUNGCHIMTU 3:10

Pathian nih kan cung i a kan khinhmi rian cu ka hngalh cang.

PHUNGCHIMTU 3:11

Zeizong vialte hi anmahle an caan te a serpiak cio hna; cun hmailei thil hngalh duhnak kha minung kan lungthin chungah a chiah i asinain Pathian nih a tuahmi kha tling tein hngalh khawhnak kha cu a kan pe lo.

PHUNGCHIMTU 11:4

Thlitu le nikhua an ṭhat tiang na ngan peng ko ahcun, thlaici zeihmanh na tuh bal lai lo i zeihmanh na zun bal pek fawn lai lo.