OBADIAH 1:19 - Lai (Hakha) Common Language Bible 2006

¹⁹ “Negeb i a ummi Israel mi nih Esau Tlang kha an co lai; Judah ram thlanglei i a ummi hna nih Filistin mi hna ram kha an lak lai; Israel mi hna nih Efraim le Samaria ram kha an co lai i Benjamin mi nih Gilead ram kha an co lai.

OBADIAH 1:19 Խաչաձեւ Հղումներ

AMOS 9:12

Edom ram a tangmi le ka min in auh a rak simi miphun vialte kha an co hna lai. Mah hihi Bawipa bia hrimhrim a si i amah nih cun a tuah lai.

JEREMIAH 32:44

Benjamin ram chungah siseh, tlang ram khua hna chungah siseh, Shefelah ram chungah siseh, Negeb khua hna chungah siseh, lo cu i cawk le i zuarh an si ṭhan lai i cawknak ca hna cu minthut le minkhenhnak in khenh le tehte theihhngalh in tuah an si ṭhan lai, zeicahtiah an vanṭhatnak cu ka pek ṭhan hna lai,” tiah Bawipa nih a ti.

EZEKIEL 36:28

Nan pupa ka pekmi hna ram chungah nan um lai i nannih cu ka mi ah nan i cang lai i kei cu nan Pathian ah ka cang lai.

MIKAH 7:14

Bawipa, na mi na thimmi hna hi nangmah nih khal hna. Annih cu anmah lawngin ramlak ah khan an um i ram hninghno nih khan a kulh hna. Hlan liopi ah an rak tuah bantuk khan Bashan le Gilead i a ummi ramhno lakah cun kalter hna law tlonter hna.

AMOS 1:13

Hihi Bawipa bia an si: Ammon mi hna nih ṭhat lonak pakhat hnu pakhat an tuah lengmang caah, An cung i dantatnak ka tlunter ding kha ka let lai lo. An ram kha kauhter an duh caah

AMOS 1:8

Ashdod i a ummi vialte hna le Ashkelon a uktu bawifung aa putmi vialte kha ka hloh dih hna lai; Ekron kha ka kut ka merhnawh lai i Filistin mi a tangmi hna kha an rawk lai. Cucu Bawipa bia a si.

EZEKIEL 25:16

Filistin mi hna cungah ka kut ka samh lai, tiah Bawipa nih a ti; Kereth mi cu ka hloh hna lai i rili kam i a ummi a dang vialte cu ka hrawh hna lai.

JEREMIAH 49:1

Ammon mi hna kong ah Bawipa nih hi bangin a ti: “Israel nih hin fapa a ngei hna lo maw? Rocotu a ngei lo maw? A si kun ah cun, zeicahdah Milkom nih Gad ram cu a co i Amah a biami hna cu Gad ram chung khua ah hin an um?

SALM 69:35

Zion cu a khamh lai i Judah ram chung khua cu a remh ṭhan hna lai; a mi cu cuka ah cun khua an sa lai i ram cu an co lai;

EZRA 4:17

Cun siangpahrang nih cun lehnak ca a kuat hna i, “Ralbawi Rehum le caṭialtu Shimshai le an hawikom Samaria le Tiva Ral ram i a ummi hna, nan kut kan tlaih hna.

EZRA 4:2

Zerubbabel le pale innchungkhar lu a si ciomi kha an fuh hna i annih cu an thawh hna i, “Kan in sakpi hna lai; zeicahtiah nan Pathian cu nanmah bantukin kannih zong nih kan biak i Assiria siangpahrang Esarhaddon nih hika ah a kan ratpi thawk in atu tiang Pathian sinah cun rai kan thawi ve ko”, tiah an ti.

1 CHANRELNAK 5:26

Cucaah Israel Pathian nih khan Assiria siangpahrang Pul thinlung le Assiria siangpahrang Tilgath-pilne-ser thinlung kha a thawhter i amah nih cun Reuben mi hna le Gad mi hna le Manasseh phun cheu hna cu a kalpi hna i Halah, Habor, Hara, le Gozan tiva ah a phakpi hna, i nihin ni tiang hin an um ko.

2 SIANGPAHRANG 17:24

Cun Assiria siangpahrang nih Babilon, Kuth, Avva, Hamath le Sefarvaim khua in mi kha a ratpi hna i Israel mi can ah khan Samaria ram khua chungah a chiah hna; cun Samaria ram kha an co i a khua hna chungah khan an um.

JOSHUA 15:33

Cun rawnram ah, Eshtaol, Zorah, Ashnah,

JOSHUA 15:21

Edom ramri leiah thlanglei bik ah Judah phun i an khua hna cu mah hihi an si: Kabzeel, Eder, Jagur,

JOSHUA 13:31

cun Gilead ram a cheu le Bashan ram chung i Og nih a penmi ram khuapi Ashtaroth le Edrei. Mah hna hi Manasseh fapa Makhir tefa hna cu pek an si, an innchungkhar ning cio ah Makhir mi hnarcheu cu pek an si.

JOSHUA 13:25

An ram cu mah hna hi a si: Jazer le, Gilead ram khua vialte le, Ammon mi hna ram hnarcheu, Rabbah nichuahlei ah a ummi Aroer tiang,

NAMBAR 1:32

Josef mi hna chungin Efraim mi hna cu, an tefa hna, an chungchung in, an phunphun in, an min zat ningin, kum kul ri in a cunglei paohpaoh, phawnam tlai kho vialte: