OBADIAH 1:17 - Lai (Hakha) Common Language Bible 2006

¹⁷ “Sihmanhsehlaw Zion Tlang ah cun a luatmi cu an um lai i cu hmun cu hmun thiang a si lai. Jakob nih a ram a rak chuttu hna kha a chuh ṭhan ve hna lai.

OBADIAH 1:17 Խաչաձեւ Հղումներ

BIAPHUAN 21:27

Sihmanhsehlaw a thurhnawmmi cu khi khua chungah ahohmanh an lut kho lai lo; ningzah awk thil a tuahmi hna le lih a chimmi hna zong ahohmanh an lut kho lai lo. Tuufa nunnak cauk chung i an min aa ṭialmi lawnglawng cu khuapi chungah cun an lut kho lai.

AMOS 9:8

Zohhmanh, Bawipa Pathian nih hi a sualmi pennak cungah hin ka mit ka chiah i, Vawlei cung hin ka hloh lai,” tiah a ti. Asinain Jakob tefa hna cu an ci an ruang in ka hlo hna lai lo, tiah Bawipa nih a ti.

JOEL 2:32

Sihmanhsehlaw Bawipa kha bawmhnak a halmi paoh nih khamhnak an hmuh lai. Bawipa nih a chim bangin, Zion Tlang cungah le Jerusalem khuachung ka khatkhat ah, a luatmi hna cu an um lai. Bawipa nih a thimmi hna cu an nung lai.”

JOEL 3:17

“Khi tikah Israel, nangmah nih keimah cu Bawipa Pathian ka si kha na hngalh lai i A thiangmi ka tlang Zion i ka um kha na hngalh fawn lai. Jerusalem cu khua thiang a si lai i Ramdangmi nih an tei bal ti lai lo.

ISAIAH 60:21

Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.

JEREMIAH 46:28

Bawipa nih, ṭih hlah, maw Jakob, ka sal, Zeicahtiah na sinah ka um ko. Nanmah kan dawi hnanak miphun hna cu an donghnak phakter hna hmanh ning law nannih cu kan donghter hna lai lo. Nan i tlak bantukin dan in tat hna hmanh ning law, A hloh cu kan hlo hna lai lo, tiah a ti.

ISAIAH 46:13

Sihmanhsehlaw teinak ni cu lamnai ah ka ratpi cang — a hla hrimhrim ti lo. Ka teinak ni cu a rau ti lai lo. Jerusalem cu ka khamh lai i khika ah Israel mi cu upatnak ka pek hna lai,” a ti.

ISAIAH 1:27

Bawipa cu a din caah Jerusalem le aa ngaihchihmi paoh cu a khamh hna lai.

ZEKHARIAH 8:3

Cun Bawipa nih, “Atu cu Zion ah khan ka ra kir ṭhan cang i Jerusalem ah khan ka um lai. Jerusalem cu Zumhtlak Khualipi ti a si lai i ralkapbu Bawipa tlang cu Tlang Thiang ti a si lai.” tiah a ti.

JEREMIAH 44:28

Cun cu tikah cun Judah ram mi Izipt ram i khua a vung sami hna lakah a nung rihmi hna nih khan, aho bia dah a dir, anmah bia maw keimah bia dah, ti kha an hngalh lai.

JEREMIAH 44:14

Judah ram i a tangmi hna nih khan Judah ram ah kan kir ṭhan te lai i khika ah kan um ṭhan te lai ti ruahchannak in Izipt ram i um hmun khuar awkah an ra; sihmanhsehlaw an kir ṭhan ti lai lo, pakhat hmanh an nung lai lo, pakhat hmanh an luat lai lo.

EZEKIEL 7:16

A luatmi an um i tlang ah an zam ahcun, khika ah a ṭap lengmangmi ṭhuro bantukin ka thah hna lai,

SALM 69:35

Zion cu a khamh lai i Judah ram chung khua cu a remh ṭhan hna lai; a mi cu cuka ah cun khua an sa lai i ram cu an co lai;

ISAIAH 4:2

Hi ram chung thing hna le ram vialte hna hi Bawipa nih ngan ngaingai le dawh ngaingai in a ṭhanter hna caan a phan lai. Israel mi chungin a tangmi vialte hna kha cu, an ram chungin rawl a chuakmi ah khan an i lawm ṭhan lai i an hmai a hngal ṭhan lai.

ZEKHARIAH 8:12

Hnangam tein thlaici kha an thlak cang lai; mitsur ruang nih a thei kha a tlai lai i vawlei nih theipar a chuahter lai, van nih dap cu an surter lai; hi thil vialte hi hi miphun chungin a tangmi hna cu ka pek hna lai.

ISAIAH 65:9

Israel mi lakah Judah tefa a simi kha thluachuah ka pek hna lai i an tefa nih ka ram le ka tlang kha an co lai. Ka thimmi ka mi, ka rian a ṭuanmi cu, cuka ah cun an um lai.

JEREMIAH 31:23

Ralkapbu Bawipa, Israel Pathian nih hitin a ti: “Annih cu an ram ah ka kirter ṭhan hna tikah, Judah ram le a khua hna ah cun, ‘Bawipa nih Jerusalem tlang thiang a umnak hmun thiang cu, Thluachuahnak pe ko seh,’ tiah an ti ṭhan lai.

EZEKIEL 36:12

Ka mi Israel mi hna cu nan lam kha ka lamhter ṭhan hna lai. Nan chungah khua an sa lai i nannih cu an covo nan si lai; an fale kha nan that ti hna lai lo, tiah a ti.

DANIEL 7:18

Sihmanhsehlaw Cung Nung Bik mithiang hna nih cun siangpahrang ṭhawnnak kha an hmuh lai i zungzal in an i ngeih lan lai,” tiah a ti.

JOEL 3:5

Nannih nih ka sui le ka ngun le ka hlawn sungsung kha nan biakinn ah nan kalpi hna.