OBADIAH 1:14 - Lai (Hakha) Common Language Bible 2006

¹⁴ Zam aa timmi hna thah awkah khan lamtonnak hmun ah khan na rak dir awk a si lo i, An har ni ah khan an ral hna kut chungah khan na rak chanh hna awk a si lo,” tiah Bawipa nih a ti.

OBADIAH 1:14 Խաչաձեւ Հղումներ

OBADIAH 1:12

Na unau hna cu an van a chiat caah khan diriam in na um awk a si lo, Judah mi kha an rawk ni ah naa lawmh awk zong a si lo; Harnak an ton ni ah na nihsawh awk hna zong a si fawn lo.

AMOS 1:9

Hihi Bawipa bia an si: Tair nih ṭhat lonak kha pakhat hnu pakhat a tuah lengmang caah A cung i dantatnak ka tlunter ding kha ka let lai lo, Annih nih sahlawh rualchan sinak kha philh riangmang in, Saltang hna kha an bu ningpi in Edom ah an chiah hna.

AMOS 1:6

Hihi Bawipa bia an si: Gaza nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo; Annih nih saltangmi kha an bu ning piin an kalpi hna i Edom ah khan an chiah hna.

JEREMIAH 30:7

Ṭih a nungmi ni cu a ra lio; cu tluk ṭih a nungmi ni cu a um bal lo, Cu ni cu Jakob tefa hna caah harnak caan a si; Sihmanhsehlaw him tein an chuak ko lai,” tiah a ti.

ISAIAH 37:3

Hi bia hi Isaiah nan va chimh lai, a timi hna cu a si: “Nihin hi temhinnak ni a si; dantatnak kan in ni a si i hmaichia in kan um ni a si. Zei he dah kan i lawh tiah a fa a chuak dengmang cang na i chuahternak thazang a ngei lomi nu bantuk kan si.

SALM 31:8

Ka ral hna kut chungah na ka phakter lo, himte tu in na ka zohkhenh.

GENESIS 35:3

Hika hmun hi kan chuahtak lai i Bethel ah kan kal lai, cuka ah cun harnak ka in caan le khuazeika ka kalnak hmanh i a ka umpitu Pathian caah khan biakṭheng pakhat ka ser lai,” a ti hna.

MATTHAI 22:9

Cucaah zatlang lam ah khan va kal u law nan hmuhmi paoh vun sawm hna u,’ tiah a ti.

ISAIAH 16:3

Judah mi cu an thawh hna i, “Zeitindah kan um lai, kan chim tuah u. Chun ni lin ah naidem a demhtu thing bangin kannih cu kan huppheng tuah u, nan thladem tangah cun kan dorter tuah u. Kannih cu ralzam kan si, ahohmanh nih an kan hmuh khawh lonak ding hmun ah kan thup u.

ISAIAH 16:4

Nan ram chungah kan umter u law, kanmah hrawh a kan duhtu hna sin khan kan huppheng ko u,” an ti hna. (Hremnak le rawhralnak kha a dong lai i ram a hrawktu kha an um ti lai lo,