NEHEMIAH 9:35 - Lai (Hakha) Common Language Bible 2006

³⁵ Nangmah nih na ṭhatnak a ngan ca i na pekmi hna an ram chung le an hmaiah na chiahmi ram ngan le ram rum chungah khan nangmah rian kha an ṭuan lo i an rian ṭhalo kha an mertak hna lo.

NEHEMIAH 9:35 Խաչաձեւ Հղումներ

DEUTERONOMI 28:47

“Zeizong vialte nan ngeih tengtung zong i Bawipa nan Pathian cu lunglawmhnak le thanuamhnak he a rian nan ṭuan lo caah,

JEREMIAH 5:19

Cun nannih nih, “Zeicahdah Bawipa kan Pathian nih hi thil vialte hna hi kan cungah a tuah?” tiah nan ti tikah, “Nannih nih nan ka hlawt i ramdang pathian kha nan ram chungah nan biak hna bang hin, nanmah ram a si lomi ram ah phun dangmi kha nan rianh hna lai,” tiah kan leh hna lai.

NEHEMIAH 9:25

Cun annih nih kulhmi khua hna le a rummi ram kha an tlaih hna i thil ṭha in a khatmi inn hna le cawhmi tikhor hna le mitsur dum hna le oliv dum hna le thei a tlaimi thingkung tampi hna cu an co hna; an ei hna i an khim i an thau i na ṭhatnak a nganmi ah khan an i lawm.

DEUTERONOMI 31:21

Cun ṭhat lonak le harnak tampi an cungah a tlun tikah, hi hla nih hin hmaitonh in a chimtu hna biahngaltu a si lai zeitintiah an tefa hna kaa chungah khan philh lo awkin a nung lai. Pek awkah chiat ka sermi ram chungah ka luhpi hna hlan hmanh ah khan, an tumtahmi cu zeidah a si lai ti kha ka hngalh cang,” tiah a ti.

NEHEMIAH 9:34

kan siangpahrang hna, kan bawi hna, kan tlangbawi hna le kan pupa hna nih na pekmi hna na phungbia kha an ul lo i na nawlbia hna le ralrinnak na pekmi hna kha zei ah an rel lo.

ISAIAH 63:7

Bawipa dawtnak fek cu ka chim lai, kan ca i a tuahmi thil ruangah ka thangṭhat lai. Israel mi cu thluachuahnak tam piin a pek hna i cu a pek hna cu a zaangfah hna ca le a dawtnak a feh caah a si.

DEUTERONOMI 28:48

cucaah Bawipa nih an thlahhnawhmi hna nan ral hna cu rawlṭam tihal, puan lo le zeizong vialte herhbau cukmak in nan rianh hna lai i, an hrawh hna hlantiang thir hngawngkual nan hngawng ah an banh hna lai.

EZEKIEL 5:6

sihmanhsehlaw cu miphun dang hna le ramdang hna nak i ṭhalo deuh in ka phung le ka nawlbia kha a doh hna; a mi hna nih cun ka phung kha an hlawt hna i ka nawl bantuk khan um an duh lo.”