NEHEMIAH 8:18 - Lai (Hakha) Common Language Bible 2006

¹⁸ Cun nifate in, aa thawk ni in a dongh ni tiang, Pathian phungbia cauk chung khan a rel lengmang. Puai cu ni sarih an tuah i a ni riat ni ah an phunglam ning khan pumhnak thiang a um.

NEHEMIAH 8:18 Խաչաձեւ Հղումներ

NAMBAR 29:35

“Ni riatnak ni ah a liannganmi pumhnak nan ngei lai: rian fak nan ṭuan lai lo,

LEVITIKAS 23:36

Ni sarih chung Bawipa sinah mei in thawinak nan pek lai; ni riatnak ni ah a thiangmi pumhnak nan ser lai i Bawipa sinah mei in pekchanhnak nan tuah lai; mah cucu a liannganmi pumhnak a si; rian fak zeihmanh nan ṭuan lai lo.

JOHAN 7:37

Puai donghnak ni kha a biapi bik ni a si. Cu ni ahcun Jesuh cu a dir i aw thang piin, “A ti a halmi paoh cu ka sinah ra u law ra ding u.

LEVITIKAS 23:41

Mah puai hi Bawipa ca puai ah kum khat ah ni sarih nan ulh lai; nan tefachin tiangin zungzal ca nawlbia a si; thla sarihnak thla ah nan ulh lai.

NEHEMIAH 8:2

Cun tlangbawi Ezra nih khan phungbia cu, nu he pa he a thei i a hngal kho dingmi aa pummi an dihlak hmaiah khan, thla sarih thla a ni khat ni ah cun a chuahpi.

NEHEMIAH 8:3

Cun Ti Kutka hmai i a ummi tual lei hoih khan zingka tein chun tiang, a hngal kho dingmi pa le nu hna hmaiah cun phungbia chung cun a rel i phungbia cauk cu mi vialte nih cun ṭha tein an ngaih.