NEHEMIAH 5:9 - Lai (Hakha) Common Language Bible 2006

⁹ Cucaah ka thawh hna i, “Nannih nih nan tuahmi hi a ṭhalo. Kannih kan ral miphun dang hna mit hmuh soisel awk um lo kan si nakhnga Pathian ṭih bu tein nan nun awk a si.

NEHEMIAH 5:9 Խաչաձեւ Հղումներ

LEVITIKAS 25:36

A miak siseh a karh siseh amah sinin na la lai lo, sihmanhsehlaw na Pathian cu ṭih ko; na unau cu na sinah khua a sak khawh nakhnga.

1 PETER 2:12

Nan ziaza kha lawkihmi hmanh nih a ṭha an timi si seh law, atu ah cun miṭhalo tiah an in ti ko hna lai nain, nuncan ṭha in nan nun kha anmah hrimhrim nih an hmuh lai i Pathian cu mi vialte biaceih awk i a rat Ni ah cun an thangṭhat lai.

2 SAMUEL 12:14

Sihmanhsehlaw mah hi thil na tuah thawngin Bawipa kha na zawmhtaih ngaingai cang caah, na hrinmi na fa cu a thi lai,” tiah a ti. Cun Nathan cu a inn ah a ṭin.

TITAS 2:5

mah le mah aa uk khomi an si nakhnga le a thiangmi an si nakhnga le innchungkhar khuasak ṭha tein a zohkhenh khomi an si nakhnga le an vale bia a ngaimi an si nakhnga, thil ṭha nan cawnpiak hna lai, tiah nutar deuh pawl cu na chimh hna lai. Cuti an tuah ahcun Thawngṭha cu mi nih an thangchiat kho lai lo.

1TIMOTE 5:14

Cucaah cun nuhmei kum no deuh pawl cu va ngei ṭhan ko hna seh law, tefa zong ngei hna seh law an inn an lo kha zohkhenh hna seh law cuticun kan ral pawl kha kanmah thangchiatnak caan ngei kho hna hlah seh, ti ka duh.

ROM 2:24

Cathiang nih, “Nanmah Judah mi ruangah Jentail mi nih Pathian kha an thangchiat,” a ti.

LAMKALTU 9:31

Cuticun Judea ram le Galilee ram le Samaria ram i a ummi khrihfabu vialte nih khan daihnak caan an hmu. Bawipa kha ṭihzah ngaiin an um i Thiang Thlarau bawmhnak thawngin an ṭhang i an karh.

EZEKIEL 36:20

An phaknak kip miphun hna sinah khan ka min thiang kha an thurhhnawmh. Mi nih an i thawh i, Hi hna hi Bawipa mi an si, a ram in a rami an si, an ti hna.

PHUNGTHLÛKBIA 24:23

Mah hihi mifim mi hna bia a dang an si rih: biaceih i duhdanh ngeih cu a ṭha lo,

PHUNGTHLÛKBIA 19:2

Hngalhnak um ṭung lo duhnak lawng hi a ṭha lo, Namhnaw in a kalmi nih a lam kha a thlau tawn.

PHUNGTHLÛKBIA 18:5

Miṭhalo sin i duhdanh ngeih cu a ṭha lo, miding mi biading coh lo zong a ṭha lo.

PHUNGTHLÛKBIA 17:26

Miding mi dantat cu a ṭha lo, miṭha mi hna fung in tuk cu palh a si.

PHUNGTHLÛKBIA 16:29

Zaang-ennak a hmangmi nih a innpa kha a hlen i A ṭhalo lam ah khan a kalpi.

NEHEMIAH 5:15

Keimah hlan i a rak ummi uktu bawi hna nih cun mi zapi cungah khan thilrit an chuan i annih sin cun ngun shekel sawm li hleiah rawl le mitsur hang kha an lak hna. An sinum hna hmanh nih mi zapi cu an lalhnawh hna. Sihmanhsehlaw kei nih cun Pathian ka ṭih caah cu bantuk cun ka tuah lo.

NEHEMIAH 4:4

Maw kan Pathian, kannih cu an kan zawmhtaih caah hin kan thlacamnak cu rak kan theihpiak ko, an kan serhsatnak cu anmah lu cung lila ah kirter law saltannak ram chungah nihsawh awk mi ah canter ko hna.

1 SAMUEL 2:24

Asilo, ka fale hna, Bawipa mi hna nih a kenkip i an chim lulhmalhmi thawng cu thawng ṭha a si hrimhrim lo.

GENESIS 42:18

A ni thumnak ni ah Josef nih a thawh hna i, “Kei cu Pathian biami ka si caah hi ka chimmi nan tuah ahcun nan nunnak cu nan luat lai:

GENESIS 20:11

Abraham nih cun a leh ve i, “Hika ah hin Pathian a ṭihmi pakhat hmanh an um lai lo i ka nupi duh ah hin keimah tu kha an ka thah lai tiah ka rak ruah caah a si.

NEHEMIAH 5:10

Keimah kong in ka chim a si ahcun, keimah le ka unau hna le ka tang i rian a ṭuanmi hna nih khan tangka le rawl kan cawih hna. Leiba ca i minung hren hi ngol u sih.

SALM 90:11

Na thinhunnak hmual cu aho nih dah fiang ngaingai in an hngalh? Na thinlinhnak nih zei bantuk thil ṭihnung dah a chuahter khawh ti kha aho nih dah an hngalh?