NEHEMIAH 5:7 - Lai (Hakha) Common Language Bible 2006

⁷ Keimah le keimah kha ṭha tein kaa ruat ciammam i tuavon pawl le bawi pawl kha ka mawhchiat hna i, “Nannih nih a miak nan ei, nan unau hna sin khan nan ei cio ko,” tiah ka ti hna. Cun annih cu pumhnak nganpi ka serpi hna i

NEHEMIAH 5:7 Խաչաձեւ Հղումներ

LEVITIKAS 25:36

A miak siseh a karh siseh amah sinin na la lai lo, sihmanhsehlaw na Pathian cu ṭih ko; na unau cu na sinah khua a sak khawh nakhnga.

EXODUS 22:25

“Nan lakah khua a sami misifak ka mi hna kha ahohmanh tangka nan cawih hna tikah tangka cawihtu nih an tuah tawn bantukin a karh nan la hna lai lo.

EZEKIEL 22:12

Nangmah chungah hin mi nih thisen chuahnak caah ziknawh an ei i docawi tikah dongtanh le a karh an lak hna. Nannih nih i miak duh ruangah nan hawile kha nan hrem hna i keimah cu nan ka philh; tiah Bawipa Pathian nih a ti.

SALM 15:5

a karh la loin mi tangka a cawih i a sual lomi hna sual phawt awkah ziknawh pek khawh lomi cu an si. Hi thil a tuahmi hna cu an i hnin bal lai lo.

LEVITIKAS 19:15

“Biaceihnak ah dinlonak nan tuah lai lo; sifakmi kha na duhdanh hna lai lo, mingan zong kha na hmaizah hlei lai lo, sihmanhsehlaw dinnak in na innpa bia kha na ceih lai.

TITAS 2:15

Hihi cawnpiak hna law thazang na pek hna le na chimhhrin hna tikah na nawlngeihnak kha fak piin hmang. Ahohmanh i zohchukter hna hlah.

1TIMOTE 5:20

Sualnak a tuahmi kha zapi hmaiah chimhring hna law a dang nih khan an ṭih lai.

GALATI 2:11

Peter cu Antiok khua i a rat ah khan zapi hmaiah ka mawhchiat, zeicahtiah fiang tein a rak palh.

2 KORIN 5:16

Cucaah ahohmanh hi, minung rel in kan tah ti hna lo. Voi khat cu Khrih kha minung rel in kan rak tah ve, sihmanhsehlaw atu cu cu bantuk cun kan tah ti lo.

MATTHAI 18:17

Sihmanhsehlaw an bia zong kha a ngaih hlei lo ahcun, cu thil cu Khrihfabu kha na chimh hna lai. Cun Khrihfabu bia kha a ngaih duh ṭhiamṭhiam lo ahcun, lawkihmi maw, ngunkhuai khawltu maw, cu bantuk mi ah cun va zoh.

EZEKIEL 45:9

Mah hihi Bawipa Pathian bia an si: I za cang u, Israel bawi hna! Zaang-ennak le i ramhnak kha donghter cang u; phung le biading tu kha tuah hna u; ka mi kha ṭhawl ti hna hlah u, tiah Bawipa Pathian nih a ti.

PHUNGTHLÛKBIA 27:5

Thuhmi dawtnak nakin lenglang sik a ṭha deuh.

SALM 27:8

“Ka sinah ra tuah,” tiah na ti. Bawipa, na sinah ka ra lai;

SALM 15:1

Bawipa, na biakinn chungah ahodah a lut lai? Na tlang thiang Zion cungah ahodah a um lai?

SALM 4:4

Ṭihnak ngei u law nan sualnak kha ngol hna u; hi thil hi nanmah lawng tein nan inn khaan chungah thuk piin ruat tuah u. Selah

SALM 109:11

Tangka a rak cawihtu hna nih khan a ngeihmi thil vialte cu, lakpiak dih hna seh law, a rianṭuanmi vialte cu khual nih chut dih hna seh.

EXODUS 22:24

ka thin a hung lai i raltuknak ah nan thi sual lai. Nan nupile kha nuhmei ah an cang ve ko lai i nan fale kha ngakṭah ah an cang ve ko lai.

SALM 94:16

Ahodah miṭhalo a ka dohpitu kha nan si? Ahodah ṭhat lonak a tuahmi hna a ka dohpitu kha nan si?

PHUNGTHLÛKBIA 28:4

Phung a zul lomi nih cun miṭhalo kha an thangṭhat hna, sihmanhsehlaw phung kha a zulmi nih cun an doh hna.