NEHEMIAH 4:9 - Lai (Hakha) Common Language Bible 2006

⁹ Cun kannih nih kan Pathian sinah thla kan cam i annih sinin a kan vengtu dingah chunzan in ralveng pakhat kan chiah.

NEHEMIAH 4:9 Խաչաձեւ Հղումներ

1 PETER 5:8

Fimhring tein um u, ralring tein um u! Nan ral Khuachia cu, seh awk kawl ah, chiandeih bangin a vak cuahmah ko.

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

LUKA 21:36

Hi a tlung hnga dingmi thil vialte hi him tein chuak lakin nan tan khawh nakhnga, thazang nan ngeih nakhnga le Mi Fapa hmaiah nan dir khawh nakhnga, ralring tein um u law thla va cam zungzal ko u,” tiah a ti.

MATTHAI 26:41

Tukforhnak chungah nan luh nakhnga lo hngilh lo tein um u law thlacam tuah u. Thlarau nih cun a huam ko, sihmanhsehlaw titsa cu a der,” tiah a ti.

GENESIS 32:28

Mipa nih cun, “Na min cu Jakob a si ti lai lo. Pathian zong na paih, minung zong na paih hna i na tei hna; cucaah na min cu Israel a si cang lai,” a ti.

NEHEMIAH 4:11

Cun kan ral hna nih khan, “Zeihmanh an hngalh hlan le zeihmanh an hmuh manh hlanah, kan tlakphuat hna lai i kan thah hna lai i rian kha kan kham lai,” an ti.

NEHEMIAH 4:10

Sihmanhsehlaw Judah mi hna nih an i thawh i, “Rian ṭuantu hna kha an thazang a ṭum i hmunthur khuahnawm tam tuk a um rih fawn; kanmah lawngin vampang cu kan remh kho bal rua hna lai lo,” an ti.

JOB 5:12

Mizer hna khuakhannak cu pakpalawng ah a canter, Cucaah an kut nih an i tinhmi cu an tlinter kho hna lo,

SALM 33:10

Miphun dang nih tuah an i timhmi kha Bawipa nih pakpalawng ah a canter i tling kho loin a umter hna.

PHUNGTHLÛKBIA 22:12

Lihchimmi bia kha lih an si tiah Bawipa nih a langhternak thawngin biatak cu him tein a kilven.