NEHEMIAH 3:15 - Lai (Hakha) Common Language Bible 2006

¹⁵ Cun Kolhozeh fapa Shallum, Mizpah peng a uktu nih khan Cerhti Kutka kha a remh; amah nih cun a ser ṭhan i a khuh i a innkhar hna le a hrenhnak awng hna le a hrenhnak fung hna kha a bunh hna; cun amah nih cun siangpahrang dum chung i Shelah Tidilnak vampang cu David Khua i a vung kalmi lamhbak tiang khan a remh.

NEHEMIAH 3:15 Խաչաձեւ Հղումներ

JOHAN 9:7

“Va kal law Siloam Tidil ah na hmai vaa phiah,” tiah a ti. (Siloam sullam cu Thlah ti a si). Cucaah mipa cu a va kal i a hmai cu a va phiah i khua hmu in a rak kir.

ISAIAH 8:6

“Hi mi hna nih hin, dai tein a luangmi Shiloah tiva ti kha an duh lo i Rezin le Remaliah fapa hmaiah a ther in an ther caah,

NEHEMIAH 12:37

Cerh Ti Kutka kha an hei lonh i lamhbak pawng khan ding tein David khua ah khan an kal, khua kulhnak vampang hung kainak hlei pawng khan an kal i David inn kha an lonh i nichuahlei i a ummi Ti Kutka kha an phan.

LUKA 13:4

Siloam i innsang nih a nenhmi pahleiriat hna kha tah? Hiti an thihnak nih hin annih kha Jerusalem khua chung i a ummi midang vialte hna nakin an sual deuh tiah a langhter tiah nan ruah maw?

NEHEMIAH 2:14

Cun Cerhti Kutka le Siangpahrang Tili tiang kha ka va kal, sihmanhsehlaw kaa citmi saṭil caah khan lanh khawhnak lam a um lo.

JEREMIAH 40:6

Cun Jeremiah cu Ahikam fapa Gedaliah sinah khan Mizpah ah cun a ra i ram chung i a tangmi hna lakah khan amah sinah cun a um ve.

NEHEMIAH 3:14

Rekhab fapa Malkhijah, Beth-hakkherem peng a uktu nih khan Hnawmpon Kutka kha a remh; amah nih cun a ser ṭhan i a innkhar hna le a hrenhnak awng hna le a hrenhnak fung hna kha a bunh hna.

NEHEMIAH 3:12

Cun amah a hun changtu ah, Hallohesh fapa Shallum, Jerusalem peng hnarcheu a uktu le a fanule hna nih khan an remh.

NEHEMIAH 3:9

Anmah a hun changtu ah cun Jerusalem peng hnarcheu a uktu Refaiah, Hur fapa nih khan a remh.

NEHEMIAH 3:7

Anmah changtu ah cun Gibeon mi Melatiah le Meronoth mi Jadon le Tiva Ral ram uktu uknak chung i a ummi Gibeon mi hna le Mizpah mi hna nih an remh.

2 CHANRELNAK 32:30

Hi Hezekiah ṭhiamṭhiam nih hin Gihon ti cunglei i a chuahnak kha a phih hna i David khua nitlaklei kamah khan a vun luanter hna. Cun Hezekiah cu a rian paoh ah khua awng a tong.

2 SIANGPAHRANG 25:4

Khi tikah khua kulhnak kha an pemh i Khaldi mi cu khua velchum ah khan an um ko nain siangpahrang le a ralkap vialte cu zan ah siangpahrang dum pawng i a ummi vampang pahnih karlak i kutka khan an zam. Cun Arabah leiah khan an kal.

BIACEIHTU 20:3

(Benjamin mi nih Israel mi hna cu Mizpah ah an hung kal ti kha an theih.) Cun Israel mi nih, “Zeitindah hi ṭhat lonak hi a chuah ning a si, kan chim tuah,” tiah an ti.

BIACEIHTU 20:1

Cun Israel mi vialte cu Dan in Beersheba tiang, Gilead zong tel chih in an chuak i, mibu cu Bawipa sinah Mizpah ah minung pakhat bantukin an i pum.

NEHEMIAH 2:17

Annih cu ka thawh hna i, “Zei bantuk harnak chungah dah kan um i zeitindah Jerusalem cu a rawk ningin a um ko i a kutka hna cu an kangh dih ti kha nan hngalh. Kannih nih ningzah hmaichiat kan in ti nakhnga lo, ra u law, Jerusalem kulhnak vampang cu remh hna u sih,” tiah ka ti.

NEHEMIAH 3:19

amah a hun changtu ah Jeshua fapa Ezer, Mizpah uktu nih vampang chunglei ah aa kuaihnak i ral hriamnam chiahnak zawn i a ummi tan kha a remh.

PHUNGCHIMTU 2:6

Ti toihnak ding caah tili ka ser hna.

2 SAMUEL 5:9

Cun David cu ralhruang chungah khan a um i cucu David khua tiah min a sak. Cun David nih khua cu, Millo in a chunglei tiang khan a velchum in a kulh.