NEHEMIAH 2:17 - Lai (Hakha) Common Language Bible 2006

¹⁷ Annih cu ka thawh hna i, “Zei bantuk harnak chungah dah kan um i zeitindah Jerusalem cu a rawk ningin a um ko i a kutka hna cu an kangh dih ti kha nan hngalh. Kannih nih ningzah hmaichiat kan in ti nakhnga lo, ra u law, Jerusalem kulhnak vampang cu remh hna u sih,” tiah ka ti.

NEHEMIAH 2:17 Խաչաձեւ Հղումներ

EZEKIEL 5:14

Nan pawngkam i a ummi hna nih nannih cu nihsawh awk le serhsat awkah kan ser hna kha aa chawkmi paoh nih cun an hmuh ko lai.

NEHEMIAH 1:3

Cun annih nih an ka thawh i, “Saltannak chungin a luatmi khika ram i a nung rihmi hna cu harnak nganpi chung le ningzahnak chungah an um ko; Jerusalem kulhnak vampang hna cu an cim dih i a kutka hna cu mei nih a hrawh dih hna,” an ti.

SALM 79:4

Kan pawngkam i a ummi miphun hna nih capo ah an kan saih, an kan nihsawh i an kan zawmhtaih;

ṬAHNAK HLA 3:51

Ka khuachung ngaknu vialte hna nih an tonmi thil in Bawipa nih a ka hrem.

ṬAHNAK HLA 2:2

Bawipa nih zaangfahnak um loin Jakob umnak vialte cu a hrawh dih. A thinhun in Judah fanu ralhau vialte kha a chimh dih; Pennak le a bawi hna cu vawlei ah a ṭhumh hna i a thurhhnawmhter hna.

JEREMIAH 24:9

Vawlei cung ram kip ah annih cu tuksapur ah ka ser hna lai, annih cu ka dawi hnanak ram kip ah nihsawh awk le phungthluk bia le zawmhtaih awk le chiatserh awkah ka ser hna lai.

SALM 79:12

Bawipa, miphun dang pawl cu, nangmah an in zawmhtaih ruangah khan a let sarih in rul hna.

SALM 44:13

Kan cung i na tuahmi kha kan innpa nih an hmuh i an kan nihsawh i capo ah an kan saih.

1 SAMUEL 11:2

Sihmanhsehlaw Ammon mi Nahash nih cun annih cu, “Nan orhlei mit kan khoih dih hna i cuticun Israel mi vialte cungah ningzah hmaichiatnak ka tlunter bel ah, nannih sinah hnatlaknak cu ka tuah hnga,” tiah a ti.

NEHEMIAH 2:13

Zan ah kaa chawk i Nelrawn Kutka in Cenghngia Tikhor tiang, cun Hnawmpon Kutka tiang ka kal i Jerusalem kulhnak vampang a cimmi hna le mei nih a hrawhmi a kutka hna cu ka zoh hna.

NEHEMIAH 2:16

Cun bawi pawl nih khan khuazei i ka kal siseh, zei ka tuah siseh, an hngal lo; cun rian a ṭuan hnga ding Judah mi le tlangbawi hna le tuavon hna le bawi hna le midang hna kha ka chim rih fawn hna lo.

NEHEMIAH 3:15

Cun Kolhozeh fapa Shallum, Mizpah peng a uktu nih khan Cerhti Kutka kha a remh; amah nih cun a ser ṭhan i a khuh i a innkhar hna le a hrenhnak awng hna le a hrenhnak fung hna kha a bunh hna; cun amah nih cun siangpahrang dum chung i Shelah Tidilnak vampang cu David Khua i a vung kalmi lamhbak tiang khan a remh.

EZRA 9:9

Kannih cu sal kan si ko, sihmanhsehlaw sal kan sinak chungah hin kan Pathian nih a kan philh lo i kan Pathian inn cu dirh ṭhan awk le a rawhnak kha remh awk le Judea ram le Jerusalem khua ah kannih cu huhphenhnak pek awk le nun ṭhannak kannih cu pek awkah Persia siangpahrang hna hmaiah cun a fekmi a dawtnak tu kha a kan pek.

SALM 44:14

Miphun hna lakah zahpi awk thil ah na kan ser; kanmah serhsatnak ah an lu kha an ka thinhnawh.

SALM 102:15

Miphun kip nih Bawipa cu an ṭih lai, vawlei cung siangpahrang vialte nih a ṭhawnnak cu an ṭih lai.

MIKAH 7:11

Jerusalem mi hna, nan khua ralhau remh ṭhannak caan cu a phan lio cang. Khi caan ah nan ram cu kauh a si lai.