NEHEMIAH 12:39 - Lai (Hakha) Common Language Bible 2006

³⁹ Changreu Rawhnak Innsang kha kan lonh i Vampang Kau kha kan phan, Efraim Kutka kha kan lonh i Jeshanah Kutka le Nga Kutka chak khan kan kal i Hananel Innsang le Za Innsang pawng khan Tuu Kutka tiang kan kal; cun Cawngtu hna Kutka ah khan an dir.

NEHEMIAH 12:39 Խաչաձեւ Հղումներ

NEHEMIAH 3:1

Khi tikah tlangbawi ngan Eliashib kha a unau tlangbawi hna he khan an tho i Tuu Kutka kha an remh. An thianter i a innka kha an bunh hna; Za Innsang timi tiang khan an hei remh, Hananel Innsang timi tiang khan, cun an thianter.

NEHEMIAH 8:16

Cucaah mi cu an va kal i an va lak hna i an inncung ah siseh, an tual ah siseh, Pathian inn tual ah siseh, Ti Kutka tual ah siseh, Efraim Kutka tual ah siseh, deu kha an i sak cio.

NEHEMIAH 3:6

Cun Paseah fapa Joiada le Besodeiah fapa Meshullam nih khan Kutka Hlun kha an remh; a kaan hna cu an khan hna i a innkhar hna le a hrenhnak awng hna le a hrenhnak fung kha an bunh hna.

NEHEMIAH 3:3

Cun Hassenaah fapa hna nih khan Nga Kutka timi kha an remh; a kaan kha an khaan i a innkhar hna le a hrenhnak awng hna le a hrenhnak fung hna kha an bunh hna.

NEHEMIAH 3:25

lenglei ah a hei i kuaihnak kil tiang kha a remh. Uzai fapa Palal nih vampang chunglei ah aa kuaihnak hmun le ralvengtu hna hmun i siangpahrang inn cungnung in a hung chuakmi innsang zawn kha a remh. Amah chang ah cun Parosh fapa Pedaiah le

2 SIANGPAHRANG 14:13

Cun Beth-shemesh ah cun Israel siangpahrang Jehoash nih khan Judah siangpahrang Amaziah cu a tlaih, amah cu Joash fapa a si, Joash cu Ahaziah fapa a si. Cun Jerusalem ah a ra i ralhau kha Efraim Kutka in Kulhnak Kil Kutka tiang dong zali a chimh.

JOHAN 5:2

Tuu Kutka timi pawngah khan tidil pakhat a um i a kam ah cun deu deu nga an um. Cu tidil cu Hebru holh cun Beth-zatha an ti.

ZEFANIAH 1:10

Khi ni ah Nga Kutka timi in au thawng kha a rung thang lai i Sang Hnihnak in ṭah thawng kha a thang lai; Thawng fakpi kha tlang cungin a rung thang lai;

JEREMIAH 32:2

Cu caan ah cun Babilon siangpahrang ralkap hna nih Jerusalem kha an kulh i profet Jeremiah cu siangpahrang bawi inn he aa pehmi ralvengtu hna inn tual ah khan thong ah a tlak lio a si.

JEREMIAH 31:38

“Zohhmanh, khuapi cu Hananel Innsang in Kil Kutka timi tiang, Bawipa upatnak caah sak ṭhan a si lai ni kha a ra lio.

NEHEMIAH 12:40

Cucaah lawmhnak hlasatu bu hna kha an bu hnih in Pathian inn chungah khan an dir i keimah le bawi pawl hnarcheu zong kha kan dir ve.