NEHEMIAH 10:37 - Lai (Hakha) Common Language Bible 2006

³⁷ cun tlangbawi hna sinah kan changvut cet kan nawn hmasa bikmi le theikung tlai hmasa bik vialte, mitsur hang thar le chiti hna cu kan Pathian inn i thil chiahnak dal chungah khan rak put awkah bia kan i kam; cun kan lo chungin a chuakmi rawl cheu hra cheu khat cu lothlomi khua nih an thawhmi cheu hra cheu khat a khawltu Levi mi hna sinah khan rak chuahpi awkah bia kan i kam fawn.

NEHEMIAH 10:37 Խաչաձեւ Հղումներ

LEVITIKAS 23:17

Nan umnak hna khan hninh awkah, ephah cheu hra cheu hnih in sermi changreu hlum hnih nan rak put lai; changvut dip in sermi an si lai i thilnu he rawhmi an si lai, Bawipa ca i theitlai hmasa bik hna caah an si lai.

NAMBAR 18:21

“Levi mi cu tonnak thlam chung i an rian, cu rianṭuan man ah cun Israel mi hna lak i cheu hra cheu khat cu ro caah ka pek hna.

NEHEMIAH 13:9

Cun nawl ka pek hna i khaan cu an thianh i cuka ah cun Pathian inn umkheng hna kha changvut thawinak le frankinsen he tiah ka luhpi hna.

NEHEMIAH 13:5

changvut thawinak le frankinsen le umkheng hna le rawl cheu hra cheu khat hna le mitsur hang le chiti, nawlbia in Levi mi hna le hlasatu hna le kutka cawngtu hna pek awk le tlangbawi hna ca i thawhlawm pekmi hlan i an rak chiahnak khaan nganpi kha Tobiah caah cun a timh.

DEUTERONOMI 26:2

Bawipa nan Pathian nih an pekmi hna nan ram chungin vawlei theitlai nan hmuh hmasa bikmi rawl chungin tlawmpal nan lak lai i, bawm ah nan rawn lai i, Bawipa nan Pathian nih a min umnak ah a thim laimi hmun ah cun nan kal lai.

DEUTERONOMI 18:4

Nan rawl in siseh, nan mitsur hang in siseh, nan chiti in siseh, theitlai hmasa bik hna le nan tuuhmul meh hmasa bik hna cu nan pek lai.

MALAKHI 3:10

Cheu hra cheu khat cu a dihlak in thawhlawm inn ah rak pu u, cun ka inn chungah cun rawl um seh. Ka hneksak tuah ngat u, van innka cu kan hunpiak hna le hunpiak hna lo; thluachuah vanluhnak cu kan thlethnawh hna le hnawh hna lo zoh tuah ngat u, tiah ralkapbu Bawipa nih a ti.

MALAKHI 3:8

Minung nih Pathian cu hlen awk a si hnga maw? Si hrimhrim hlah, asinain nan ka hlen.

2 CHANRELNAK 31:6

Cun Judah ram chung khua i a ummi Israel mi le Judah mi hna nih khan an caw le an tuu hna chung khan cheu hra cheu khat le Bawipa an Pathian sin i an pekchanhmi thil thiang kha an chuahpi hna i a bubu in an pon hna.

ROM 11:16

Changreu hlum chung i a dar hmasa bik cu Pathian sinah pek a si ahcun, changreu cu a hlum ningin amah ta a si; cun thingkung a hram hna cu Pathian sinah pek an si ahcun a nge zong amah ta an si.

DEUTERONOMI 14:22

“Kum fate in lo in a chuakmi nan thlaici theipar vialte cu cheu hra ah cheu khat nan pekchanh lai.

NEHEMIAH 13:10

Cun Levi mi hna cu an hmuh awk hnga a simi kha an pe hna lo ti kha ka hngalh fawn, cucaah cun Levi mi hna le hlasatu hna cu anmahle an rian cio kha kaltak riangmang in an lo ah an rak zam.

NEHEMIAH 13:12

Cun Judah ram mi vialte nih rawl le mitsur hang le chiti cheu hra cheu khat hna kha thilri khonnak inn chungah cun an rak put hna.

EXODUS 13:2

“Fater, pa vialte cu keimah sinah nan ka pekchanh hna lai. Israel mi fater paohpaoh cu, minung an si ah, saram an si ah, keimah ta an si,” a ti.

EXODUS 13:12

Kha nan hrin hmasa bik fapa paohpaoh kha nan pek lai; nan saṭil nih a hrin hmasa bik fa a pa paohpaoh cu Bawipa ta an si.

NAMBAR 18:15

Bawipa sinah an pekchanhmi fater paohpaoh cu, minung siseh saram siseh, nangmah ta an si lai; asinain, minung fater le a thiang lomi saram fater hna cu na tlanh hna lai.

NAMBAR 18:18

sihmanhsehlaw an sa cu nangmah ta a si lai, hninhmi ii le orhlei phei cu na ta an si bantuk khan.