NEHEMIAH 1:2 - Lai (Hakha) Common Language Bible 2006

² ka unau Hanani cu Judah ram chung mi cheukhat he an ra; cun a nung rihmi Judah mi salchuak hna kong le Jerusalem khua kong kha ka hal hna.

NEHEMIAH 1:2 Խաչաձեւ Հղումներ

NEHEMIAH 7:2

ka unau Hanani le ralvennak inn uktu Hananiah kha Jerusalem khua zohkhenhnak rian cu ka pek hna, zeicahtiah amah cu midang tampi nakin zumhawktlak deuh le Pathian a ṭih deuhmi a si.

EZEKIEL 6:9

Nannih cu ram dang i ṭhek nan si tikah, hi ka zuahmi hna, miphun dang hna sin i sal i a tangmi hna nih hin, an lungthin cu zeihmanh ruat loin ka sinin an i mer i an mit cu siasal duh ah a pingah an kal ruangah, zeitluk in dah ka lungthin a fah kha an hngalh lai. Khi tikah ṭhat lonak an tuahmi vialte le fihnung an tuahmi vialte ruangah khan anmah le anmah an i fih lai.

EZEKIEL 7:16

A luatmi an um i tlang ah an zam ahcun, khika ah a ṭap lengmangmi ṭhuro bantukin ka thah hna lai,

JEREMIAH 44:14

Judah ram i a tangmi hna nih khan Judah ram ah kan kir ṭhan te lai i khika ah kan um ṭhan te lai ti ruahchannak in Izipt ram i um hmun khuar awkah an ra; sihmanhsehlaw an kir ṭhan ti lai lo, pakhat hmanh an nung lai lo, pakhat hmanh an luat lai lo.

EZRA 9:14

na nawlbia hna kha buar ṭhan in hi thil fihnung a tuahmi hna he hin kan i ṭhi-um ko rih lai maw? A tangmi siseh, a luatmi siseh, kan um lo tiangin kannih kha hrawh dih awkah kan cungah na thin a hung lai lo maw?

GENESIS 14:10

Siddim nelrawn cu bitumen an cawhnak khor in a khat i cucaah Sodom siangpahrang le Gomorrah siangpahrang kha raltuknak hmun cun zam an i timh tikah cu khor chungah cun an tla. A dang cu tlang ah khan an zam.

2 SIANGPAHRANG 24:14

Jerusalem mi vialte le bawi vialte le ralṭha le miṭhawng vialte, tlaihmi thong hra, cun zungthiam le soser vialte cu a kalpi dih hna; ram chung i sifak bikmi hna dah ti lo cu ahohmanh an tang lo.

2 SIANGPAHRANG 25:12

Sihmanhsehlaw ralvengtu haotu nih khan ram chungmi lak i sifak bik hna kha mitsur ruang a run cawnghramtu le lo a run thlotu ah a nganhta hna.