NAMBAR 9:19 - Lai (Hakha) Common Language Bible 2006

¹⁹ Minmei cu puan biakinn cung i a um kha ni tampi a si hmanh ah Israel mi nih Bawipa nawlbia cu an zulh ko i an i thawh lo.

NAMBAR 9:19 Խաչաձեւ Հղումներ

ZEKHARIAH 3:7

“Mah hihi ralkapbu Bawipa bia a si. Ka lam kha na zulh hna i ka rian kha na ṭuan hna ahcun, ka inn chungah khuakhang laireltu na si lai i ka biaceihnak inn hna cu na uk hna lai, cun hika i rian a ṭuantu hna lakah hin luhnak nawl le chuahnak nawl na ngei lai.

NAMBAR 3:8

tonnak thlam thil thuam vialte cu an zohkhenh lai i puan biakinn ah rian an ṭuanpah in Israel mi caah rian an ṭuan lai.

EXODUS 40:37

Minmei kha aa ṭhial lo ahcun annih zong riahhmun dang ah khan an i ṭhial ve lo, minmei aa ṭhial ni tiang kha an ngan tawn.

LEVITIKAS 8:35

Tonnak thlam innka ah, chunzan in ni sarih chung, Bawipa nih an fialmi hna tuah awkah, nan thih sual nakhnga lo nan um lai; zeitintiah cu bang cun nawl pek ka si,” tiah a ti.

NAMBAR 9:18

Bawipa nawl pek in Israel mi hna cu an i thawh tawn i Bawipa nawl pek in riahhmun an khuar tawn; minmei cu puan biakinn cungah a cam chung paohpaoh an riahhmun ah cun an cam.

NAMBAR 9:20

Voi khatkhat cu minmei cu puan biaknak inn cungah ni tlawmte lawng a um i Bawipa nawlbia bangin riahhmun ah an cam; cun Bawipa nawlbia bangin an i thawh.