NAMBAR 9:15 - Lai (Hakha) Common Language Bible 2006

¹⁵ Puan biakinn an dirter ni ah cun, minmei nih puan biakinn, bia hngalhternak thlam cu a zelh i, zanlei ah cun puan biakinn cungah cun mei alh mui bantukin zinglei tiang a um.

NAMBAR 9:15 Խաչաձեւ Հղումներ

EXODUS 13:21

Chun ah Bawipa cu an hmaiah minmei tom in annih kha lam hmuhsak awkah a kal i zan ah an hmaiah mei tom in annih kha ceunak pek awkah a kal, cucaah cun zan zongah chun zongah an kal kho.

EXODUS 40:34

Pumhnak thlam cu minmei nih a huh i Bawipa sunparnak kha a chung cu a khat.

SALM 78:14

Chun ah khuadawm in a hruai hna i zan ah mei ceu in a hruai hna.

NEHEMIAH 9:19

na zaangfahnak a ngan ruangah ramlak ah khan na hlaw ta hna lo; lam a hruaitu hna minmei tung nih khan chun ah a kaltak hna lo i annih kalnak ding lam a ceuhtu mei alh tung nih khan zan ah a kaltak hna lo.

1 KORIN 10:1

Ka u le ka nau hna, Moses a zulmi kan pupa hna cung i a tlungmi thil kha philh hlah u ti kan duh hna. Annih cu an dihlak in minmei nih khan a runven hna i Rili Sen kha him tein an tan.

ISAIAH 4:5

Cun Zion Tlang cung le khika i aa pummi vialte hna cungah Bawipa nih chun ah minmei a zamter lai i zan ah meikhu le a ceumi meizik kha a umter lai. Pathian sunparnak nih khua cu a pumpi in a khuh lai i a hum a zual lai.

SALM 105:39

A mi hna cungah cun khuadawm a zar i zan ah ceunak petu dingah mei a pek hna.

NEHEMIAH 9:12

Chun ah minmei tung in na hruai hna i zan ah an kalnak lam ceuhpiaktu dingah mei alh tung in na hruai hna.

NAMBAR 14:14

zeitintiah hi miphun hi annih lakin na chuahpimi an si. Annih nih, maw Bawipa, nang cu hi hna lakah na um kha an theih; zeitintiah maw Bawipa, nang cu hmaitonh tein an in hmuh i na minmei nih an cungah a dir i nangmah nih an hmaiah na kal, chun ah minmei tung in, cun zan ah mei alh tung in.

EXODUS 40:38

Pathian an sin i a um hmelchunhnak minmei cu, chun ah Pathian umnak thlam cungah khan a um i zan ah minmei chungah khan mei alh a um; cucu Israel mi nih riahhmun pakhat in pakhat ah an i thawn lengmang ah khan an hmuh zungzal.

EXODUS 40:2

“Thla khatnak thla ni khatnak ni ah Pathian umnak thlam pumhnak thlam cu na dirter lai.

EXODUS 14:24

Khuadei laite ah khin Bawipa nih cun minmei tom le mei tom chung khan Izipt mi kha a vun zoh hna i a tuaiter dih hna.

EXODUS 13:22

Minmei tom cu Israel mi hna hmaiah khan chun ah a um zungzal i mei tom cu zan ah a um zungzal ve.

NAMBAR 10:34

Cun Bawipa minmei cu, an riahhmun in an i thawh fate chun ah annih cungah a um.

NAMBAR 17:7

Cun Moses nih hngalhternak thlam chungah khan Bawipa hmaiah ṭhiangṭhunh cu a chiah hna.

EXODUS 40:35

Pumhnak thlam cungah cun minmei kha a um i Bawipa sunparnak cu a chung kha a khah caah Moses cu a lut kho lo.