NAMBAR 8:7 - Lai (Hakha) Common Language Bible 2006

⁷ Cun annih cu thianh awkah hi bangin na tuah hna lai: tlenghnak ti kha na theh hna lai i namte in an pum a dihlak in i met hna seh, cun an thilpuan su hna seh law, i tleng hna seh.

NAMBAR 8:7 Խաչաձեւ Հղումներ

NAMBAR 19:13

Ahohmanh nih mithi aho ruak hmanh siseh, a tawngh i aa thianh lo ahcun, Bawipa puan biakinn kha a thurter; cu pa cu Israel mi sinin hlonh awk a si lai; thianhnak ti kha a cungah theh a si lo caah amah cu thianglo a si lai; a thian lonak cu a cungah a tang rih.

LEVITIKAS 8:6

Cun Moses nih Aaron le a fapa hna cu a ratpi hna i ti in a kholh hna.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.

1 PETER 3:21

cucu atu i nanmah an khamhtu hna tipil innak a rak sawhtu hi a si. Tipil innak cu pum hnawm kholh hi a si lo, chiaṭha thleidannak thiang nih Pathian sin i biakamnak a tuahmi tu hi a si. Tipil innak nih cun Jesuh Khrih thihnak in a thawh ṭhannak thawngin an khamh hna i

JEIM 4:8

Pathian cu naih u law an naih ve hna lai. Misual mi hna, nan kut kha i ṭawl u. Miziathiam hna, nan lung kha i thianh u.

HEBRU 9:13

Phunglei in a thiang lomi cu meheh thi le cawtum thi le khanghmi cawfa vutcam kha an theh hna i cu bantukin phunglei in an thian lonak kha thianhpiak an si tikah mithiang ah an cang.

HEBRU 9:10

Cu laksawng le raithawinak hna nih an tuah khawhmi cu rawl kong le din awk kongkau le i thianhnak phunglam a phunphun lawng kha an si. Hi thil vialte hi lenglei phunglam lawng an si i, Pathian nih zeizong vialte a remh ṭhan caan ca tiang lawng an si.

EZEKIEL 36:25

Nan cungah ti thiang kan theh hna lai i nannih an thurhhnawmhtertu hna thil vialte khan kan thianh hna lai; nan siasal biaknak thurhhnawmhnak vialte khan kan thianh dih hna lai.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

ISAIAH 52:15

Sihmanhsehlaw atu cu miphun tampi kha amah an hmuh tikah an khuaruah a har lai, an khuaruah a har tuk ah siangpahrang hna cu ar ko in an um lai. An hngalh bal lomi thil kha an hmuh lai i an hngalh lai,” a ti.

SALM 51:7

Ka sualnak cu ka hnawhpiak law ka thiang lai, ka ṭawl law hawhra nakin ka rang deuh lai.

SALM 51:2

Ka ṭhat lonak cu ka ṭawlpiak hna law ka sualnak cu ka thianhpiak ko hna.

NAMBAR 31:20

Puan paohpaoh le saphaw in sermi thil paohpaoh le meheh hmul in sermi thil vialte le thing in sermi paohpaoh cu nan thianh hna lai,” tiah a ti.

LEVITIKAS 16:28

A khangtu hna nih a hnipuan kha a suk i a pum kha ti in aa kholh awk a si lai, cu hnuah riahhmun chungah a lut kho lai.

LEVITIKAS 15:27

Cun ahohmanh cu thil hna a tawngtu cu thianglo a si lai i a hnipuan kha a suk hna lai i ti in aa kholh lai i zanlei tiang thianglo a si lai.

LEVITIKAS 15:6

Cun ahohmanh thil chuak ngeimi nih a ṭhut nenhmi thil cungah a ṭhumi paoh nih a hnipuan a suk hna lai i ti in aa kholh lai i zanlei tiang thianglo a si lai.

EXODUS 19:10

Bawipa nih Moses cu, “Mi zapi sinah khin va kal law nihin le thaizing biaknak ding caah va timhlamhter hna. An thil kha su hna seh law

GENESIS 35:2

Cucaah Jakob nih cun a innchungkhar le a sin i a ummi kha an dihlak in, “Nan i chiahmi ramdang pathian kha hlonh dih hna u; i thianh u law thil thiang i hruk u.

NAMBAR 8:21

Cun Levi mi hna nih cun sualnak in an i thianh i an hnipuan kha an suk hna; cun Aaron nih Bawipa hmaiah hninh thawinak bantuk ah a pekchanh hna i annih kha thianh awkah Aaron nih remnak a tuahpiak hna.