NAMBAR 8:21 - Lai (Hakha) Common Language Bible 2006

²¹ Cun Levi mi hna nih cun sualnak in an i thianh i an hnipuan kha an suk hna; cun Aaron nih Bawipa hmaiah hninh thawinak bantuk ah a pekchanh hna i annih kha thianh awkah Aaron nih remnak a tuahpiak hna.

NAMBAR 8:21 Խաչաձեւ Հղումներ

NAMBAR 8:7

Cun annih cu thianh awkah hi bangin na tuah hna lai: tlenghnak ti kha na theh hna lai i namte in an pum a dihlak in i met hna seh, cun an thilpuan su hna seh law, i tleng hna seh.

NAMBAR 19:19

cun a thiangmi pa nih a thiang lomi cu ni thumnak ni le ni sarihnak ni ah a theh lai; cu bangin ni sarihnak ni ah khan a tlengh lai i a hnipuan a suk hna lai i ti in a kholh lai i zanlei ah a thiang lai.

NAMBAR 8:15

Cun cu hnuah cun tonnak thlam i rianṭuan awkah, Levi mi hna cu na tlengh hna i hninh thawinak ca i na pekchanh hna hnuah an lut lai.

NAMBAR 19:12

ni thumnak ni le ni sarihnak ni ah i thianhnak ti khan aa thianh lai i cu bangin a thiang lai; sihmanhsehlaw ni thumnak ni le ni sarihnak ni ah aa thianh lo ahcun a thiang lai lo.

NAMBAR 3:12

“Zohhmanh, Levi mi hna cu Israel mi hna lak in Israel mi hna lak i fater, nu paw chungchuak hmasa bik hna, can-ai ah ka lak cang hna. Levi mi cu keimah ta an si lai,

EXODUS 19:10

Bawipa nih Moses cu, “Mi zapi sinah khin va kal law nihin le thaizing biaknak ding caah va timhlamhter hna. An thil kha su hna seh law

NAMBAR 8:20

Cu bangin Moses le Aaron le Israel mibu nih an ningpi in, Levi mi hna cungah cun an tuah; Levi mi hna kong he aa peh in Bawipa nih Moses nawl a pekmi vialte bangin Israel mi nih an cungah an tuah.

NAMBAR 8:22

Cun cu hnuah cun Levi mi hna cu tonnak thlam chung i Aaron le a fapa hna hmai i an rianṭuan awkah an lut; Bawipa nih Levi mi hna kongah Moses nawl a pek bangin, cu bangin annih cungah an tuah.

LEVITIKAS 14:11

Cun tlangbawi a thianhtu nih cun thianh dingmi le mah thil hna hi Bawipa hmaiah, tonnak thlam innka ah khan a chiah hna lai.